Саҥа сервис нөҥүө биллэриини, эҕэрдэни ыытыахха сөп

Erid: 2SDnjehFeP9

«Сахамедиа» холдинг үлэһиттэрэ эҕэрдэлэри уонна ахтыылары онлайн ылар өҥө баар буолбутун туһунан билиһиннэрдилэр. Саха сирин ыраах улуустарыттан, нэһилиэктэриттэн олорон эбэтэр атын дойдуларга да сылдьан, төлөпүөн нөҥүө биллэриини, эҕэрдэни биэриэххэ сөп. Бу туһуттан аны эрэдээксийэҕэ кэлэ сатыыр наадата суох буолла.

Саҥа сервис туһунан «Саха» ГТРК сюжет бэлэмнээтэ. Кэллиэгэлэрбитигэр саҥа бырайыакпытын дьоҥҥо-сэргэҕэ сырдаппыттарыгар улахан махталбытын тиэрдэбит.

Саҥа сервис «биир түннүк» (единое окно) быраабылатынан үлэлиир. Ол аата, эһиги биир сиринэн сайаапка оҥорон баран, биллэриигитин холдинг бары сүрүн былаһааккаларыгар таһаарар кыахтанаҕыт. Интэриниэккэ — ЯСИА порталыгар, «Саха сирэ» уонна «Якутия Daily» саайтарга тахсыаҕа, итиэннэ өрөспүүбүлүкэтээҕи «Саха сирэ» уонна «Якутия» хаһыаттарга бэчээттэниэҕэ.

Тоҕо бу табыгастааҕый? Бастатан туран, бириэмэни кэмчилиир. Биллэриини, эҕэрдэни суруйарга аҕыйах мүнүүтэ эрэ барар. Иккиһинэн, ыраахтан олорон ыытыахха сөп. Ханна да баар буол — улууска, куоракка, өрөспүүбүлүкэ тас өттүгэр да сырыт — чугас дьоҥҥун эҕэрдэлиэххин, кутурҕаны биллэриэххин, ахтыыны ыытыаххын сөп.

Суруйбут иһитиннэриигит саайтарга тахсарын, эбэтэр аҕам саастаах дьоммут сөбүлээн ааҕар хаһыаттарыгар бэчээттэнэрин бэйэҕит талаҕыт.

Саҥа сервиһи бу сигэнэн киирэн боруобалааҥ: https://shop.sakhamedia.ru/

Реклама. АО «РИИХ Сахамедиа». ИНН 1435263769