Хаартыска: sakha.gov.ru
Баһаардары сылыктыыр искусственнай интеллект туһаныытын «Якутия» технопарка резиденнэрэ оҥорбут «Сильван» ойуур баһаардарын утары тиһигин баазатыгар чинчийэллэр.
«Сильван» тиһигэ ойуур баһаарын түргэнник буларга кыаҕы үөскэтэр. Хас да информационнай баазаны холбоон, саҥа тиһик информацияны түргэнник үөрэтэргэ көмөлөһөр, картография дааннайдарын учуоттуур, күн-дьыл туругун кэтиир, баһаарынай күүстэр ханна баалларын көрдөрөр.
«Сильван» көмөтүнэн даннайдары үөрэтии тэтимэ биэс төгүл улаатта, оттон сөптөөх дьайыылары оҥоруу — икки төгүл. Билигин ойуур баһаара турар сирдэрин сылыктыыр технологиялар сиһилии ырытыллан оҥоһуллаллар. Саҥа тиһик термотуочукалары уонна аномалиялары кэтээн көрөр. Бу кэннэ Салгыы «Авиалесоохрана» үлэһиттэрэ наадалаах быһаарыылары ылыналлар.
«Үрдүк температураны, тыаҕа баһаарынай эбийиэк баар буолуон сөптөөх сирдэрин эбэтэр ойуур баһаарын каартанан көрүөххэ сөп. Сиринэн туһааннаах үлэһиттэр эбэтэр авиапатруль бөлөхтөрө миэстэтигэр тутатына тиийэллэр», — диэн «Смарт юнит» хампаанньа кэммиэрчэскэй дириэктэрэ Артем Петухов бэлиэтиир.
Саха сиригэр саҥа тиһик көмөтүнэн икки төгүл баһаар турбут сирдэрин быһаарыыта биллэрдик үрдээтэ. Онуоха араас таһымнаах биэдэмистибэлэри кытта хардарыта бииргэ үлэлэһиннэри күүһүрдэргэ эбии кыах биэрдэ, үлэлэрин чэпчэттэ. Быйыл ойуур баһаарын кэмэ саҕаланыаҕыттан «Сильван» тиһик киэҥник туттуллар.
Ахсынньы 28 күнүгэр өрөбүллээҕи Оһуокайбыт буолла.Быйыл иккис сылын Чысхаан кэлэн алгыстаах оһуокайы таһаарда. Чысхаан оруолун…
Биэс сыллаах тохтобул кэнниттэн Москваҕа тыһыынчанан оҕолорго анаан Кириэмил харыйатын тэрээһинэ ыытылынна. Кинилэр истэригэр Саха…
Бу күннэргэ Горнай улууһун Землячествота саҥалыы тыыннаах тэриллибитэ 10-с үбүлүөйдээх сылын бэлиэтиир. Уопсастыбаннай тэрилтэ үлэтин…
Ахсынньы 26 күнүгэр Бүтүн Арассыыйатааҕы “Полиция Тымныы Моруос Оҕонньоро” аахсыйа саҕаламмыта. Бу суолталаах тэрээһиҥҥэ кыттан,…
Бу күннэргэ Саха сирин талааннаах дьоно хаартан-муустан кэлэн иһэр саргылаах Саҥа дьылы көрсө араас оҥоһуктары…
Дьокуускай куоракка сылаас тохтобулларга оҕолор уруһуйдарын көрүөххэ сөп. Ол курдук, “Доҕордоһуу болуоссатын “ уонна “Центральный”…