Саҥа сыл үүнэр түүнүгэр Саха сиригэр икки оҕо күн сирин көрдө

Саха сиригэр саҥа сыл үүнэр түүнүгэр икки кыыс оҕо күн сирин көрдө диэн Ил Дархан Айсен Николаев Телеграм-ханаалыгар иһитиннэрдэ:

— Саҥа сыл бастакы күнүнэн эҕэрдэлиибин! Бу сыл бастакы оҕолорун туһунан үтүө сонуммун үллэстэбин. Саха сиригэр ахсынньы 31 күнүн түүнүгэр икки кыыс оҕо күн сирин көрдө.

Бастакы кыысчаан 00:56 чааска Мэдиссиинэ национальнай киинигэр, оттон 04:35 чааска иккис кыысчаан Перинатальнай кииҥҥэ төрөөтүлэр.

Икки бүк бырааһынньыгынан төрөппүттэри эҕэрдэлиибин. Оҕолор доруобай, дьоллоох буола улааттыннар.