Саҥа амбулатория аһыллыытын үөрүүлээх түгэнэ
“Доруобуйа харыстабыла” национальнай бырайыак көмөтүнэн Чурапчы улууһун Алаҕар нэһилиэгин Чыаппара сэлиэнньэтигэр быраас саҥа амбулаторията үлэҕэ киллэрилиннэ. Хаарбах дьиэ оннугар тутуллубут саҥа тупсаҕай оҥоһуулаах дьиэҕэ быраас, ыарыһаҕы көрөр, быһыы биэрэр уонна араас процедура кэбиниэттэрэ, санитарнай хос, эми-тому уурар сир бааллар Ону таһынан амбулатория иһинэн ыарыһахтар күнүс кэлэн сытан эрэ эмтэнэр кыахтаныахтара.
«Бу — саҥа сылга киирэн баран үлэҕэ киллэрэр аан бастакы эбийиэкпит. Кэнники 5 сылга өрөспүүбүлүкэ улуустарыгар 65 биэлсэр-акушер пууна уонна быраас амбулаторията тутулунна, доруобуйа харыстабылын 124 дьиэтэ өрөмүөннэннэ. Мэдиссиинэ инфраструктурата сайдан, өрөспүүбүлүкэ киһи уонна кини доруобуйатын харыстабылыгар улахан хардыылары оҥорор”, — диэн Айсен Николаев бэлиэтээбитэ.
Чурапчы улууһун кылаабынай бырааһын эбээһинэһин толорооччу Николай Сивцев эппитинэн, 2011 сыллаахха тутуллубут Алаҕар амбулаторията 2019 сыллаахха саахалланар кутталлааҕынан быһаарыллыбыта.
“Доруобуйа харыстабыла” национальнай бырайыак бастакы сүһүөх звенотун модернизациялааһын бырагырааматынан, судаарыстыба-чааһынай бииргэ үлэлээһин механизмын туһанан үс ый иһигэр амбулатория саҥа дьиэтин туттубут”, -диэтэ кини.
Амбулаторияҕа анаан саҥа миэбэли, 1,5 мөлүйүөн суумаҕа мэдиссиинискэй тэриллэри атыыластылар.
500-чэ нэһилиэнньэлээх пуун олохтоохторо өрөспүүбүлүкэ салалтатыгар, СӨ Доруобуйа харыстабылын министиэристибэтигэр уонна «МЕГАСтрой» тутуу хампаанньатыгар махталларын биллэрдилэр.
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…
СӨ муниципальнай тэриллиилэрин бэрэстэбиитэллээх уорганнарын дьокутааттарын 3-с сийиэһэ куорат уокуруктарын, тыа сирин нэһилиэктэрин дьокутааттарын түмтэ.…