Саҥа сылы — саҥа дьиэҕэ

Элбэх оҕолоох Васильевтар дьиэ ылалларыгар сэртипикээт туттарыллыбыт. Бу туһунан СӨ Үлэҕэ уонна социальнай сайдыыга министиэристибэтэ иһитиннэрэр.

Сэртипикээти СӨ Бырабыыталыстыбатын Бэрэссэдээтэлин солбуйааччы Георгий Степанов уонна СӨ Үлэҕэ уонна социальнай сайдыыга миниистир Елена Волкова үөрүүлээх быһыыга-майгыга туттарбыттар. Бу Арассыыйаҕа — Дьиэ кэргэн, Саха сиригэр — Оҕо сылын көрсө туттарыллыбыта үөрүүнү өссө үрдэппит.

Клим Валерьевич уонна Варвара Сергеевна Васильевтар биэс оҕолоохтор. Икки улаханнара игирэлэр. Оттон үс кыралара 2021 сыллаахха ахсынньы 30 күнүгэр төрөөбүттэр. Васильевтар сөптөөх дьиэ көрдөөбүттэрэ ырааппыт. Бу иннинэ кинилэр кыбартыыраҕа олорбуттар. Оттон билигин, улахан дьиэ кэргэн саҥа 2024  сылы бэйэлэрин кэтэх дьиэлэригэр көрсүбүттэр.

Дьиэ кэргэн аҕа баһылыга Клим Валерьевич Ил Дархан А.С.Николаевка, СӨ Бырабыыталыстыбатыгар уонна СӨ Үлэҕэ уонна социальнай сайдыыга министиэристибэтигэр өйөбүллэрин иһин махтанар.

СӨ Үлэҕэ уонна социальнай сайдыыга министиэристибэтин пресс-сулууспата