Дьокуускайга 20 №-дээх оскуола саҥа модульнай успуорт саалатыгар 850-тан тахса оҕо успуордунан дьарыктанар.
«Соникс» спортивнай кулууп быйыл тохсунньуга оскуолаҕа саҥа модульнай успуорт саалата арыллыаҕыттан үлэтин саҕалаабыта. Манна 850-тан тахса оҕо успуорт араас көрүҥүнэн утумнаахтык дьарыктанар. Ол курдук, дзюдо, самбо, көҥүл тустуу, каратэ бааллар. Оҕолор ортолоругар куораттааҕы, өрөспүүбүлүкэтээҕи, Уһук Илиннээҕи күрэхтэһиилэр кыайыылаахтара, призердара бааллар.
Дьарыктар барыта саҥа саалаҕа ыытыллаллар. Саала Уһук Илин Федеральнай уокурукка РФ бэрэсидьиэнин боломуочуйалаах бэрэстэбиитэлэ Юрий Трутнев сорудаҕынан Бэрэсидьиэн Уһук Илиннээҕи «Биир кэлим субсидиятын» чэрчитинэн тутуллубута.
Саала успуорт араас көрүҥүнэн дьарыктанарга наадалаах тэрилинэн толору хааччыллыбыт. Уопсай иэнэ 466 кв.м.
«Маннык улахан саалаҕа эрчиллиилэр ыытыллаллар. Усулуобуйа барыта баар. Бу иннинэ кыһалҕаттан куоракка араас саалаларга дьарыктанар этибит«, — диэн 20-с оскуола 11 кылааһын үөрэнээччитэ, СӨ уонна Уһук Илин Уокурук чөмпүйүөнэ, РФ успуорт маастарыгар кандидат Мадина Цуканова санаатын үллэстэр.
Манна майгылыыр успуорт саалалара 10 №-дээх оскуолаҕа уонна Алдаҥҥа гимназияҕа тохсунньу бүтүүтүгэр тутуллан үлэҕэ киирбиттэрэ.
Сиһилии https://www.sakha.gov.ru/news/front/view/id/3397626 манна ааҕыҥ.
СӨ Ил Дарханын уонна Бырабыыталыстыбатын пресс-сулууспата
Хаартыскаҕа Мария Васильева түһэриитэ, СИА
Бүгүн, ыам ыйын 18 күнүгэр, өрөспүүбүлүкэ хоту өттүгэр инчэҕэй хаар түһэрэ сабаҕаланар. Халымаҕа, арҕаа оройуоннарга …
Бүгүн, ыам ыйын 17 күнүгэр, Амма улууһугар Олоҥхо ыһыаҕын тэрийэр кэмитиэт мунньахтаата. СӨ Бырабыыталыстыбатын бэрэссэдээтэлин…
2024 сылга Саха сиригэр 76 социальнай эбийиэги тутары былаанныыллар. Олор истэригэр сорох тутуулар национальнай бырайыак…
Бүгүн Кэбээйи улууһун дьаһалтатын социальнай хантараагынан судаарыстыбаннай социальнай көмөнү оҥорууга хамыыһыйа быйылгы сыл 4 ыйынааҕы…
Былырыын Чурапчы улууһугар түөрт оҕоҕо бэйдиэ сылдьар ыттар саба түһэн эмсэҕэлэппиттэрэ. Бэйдиэ сылдьар ыттары көрүүгэ-истиигэ…
Өлүөнэ өрүскэ муус хойуутук устан Дьокуускай, Нам, Мэҥэ Хаҥалас оройуоннарынан ааһар. Уу таһыма Кангаласс микро-оройуонугар…