Хаартыска: www.s-vfu.ru
Саҥа үөрэх дьылыгар ХИФУ-га 20 тыһ. кэриҥэ устудьуон үөрэниэҕэ. Ити туһунан 2025-2026 үөрэх дьылыгар Хотугулуу-Илиҥҥи федеральнай университет бэлэмнэниитин туһунан үөрэх чаастарын салайааччыларын мунньаҕар иһитиннэрдилэр. Устудьуоннар үрдүк, орто үөрэх бары көрүҥүн 449 бырагырааматынан үөрэниэхтэрэ.
“Чаҕылхай уонна элбэҕи быһаарар үөрэх дьыла күүтэр. Арассыыйа Бэрэсидьиэнэ Владимир Путин сорудаҕынан, үрдүк үөрэх саҥа моделыгар көһүү киэҥ далааһыннаах үлэтэ саҕаланна. Бу Дойду Үөрэҕин уонна билим министиэристибэтин салалтатынан саҕаланна итиэннэ бастатан туран, олохтоох үөрэхтээһин хаачыстыбатын үрдэтэргэ, каадыр кыһалҕатын быһаарарга туһаайыллар. Үөрэх дьылын устата матырыйаалын оҥорорбут, көһүү судургутук ааһарын туһугар буолаары турар үөрэх судаарыстыбаннай ыстандаартыгар уларытыыларга бэлэмнэнэрбит ирдэнэр” – диэн ХИФУ ректора Анатолий Николаев бэлиэтээтэ.
Киин тутар хамыыһыйа чахчытынан, университет Билим уонна үрдүк үөрэх министиэристибэтин үөрэххэ ылыы хонтуруолунай сыыппыратын олоччу толорбут. Онон саҥа үөрэх дьылыгар ХИФУга үрдүк үөрэх бары бырагыраамаларынан 5900-тэн тахса киһи үөрэххэ киириэҕэ.
“Үрдүк үөрэх бары чаастара (подразделения) үөрэх саҕаланарыгар бэлэмнэр. Аудиториялар быһаарылыннылар, үөрэх наардала оҥоһулунна. Быйыл 20 тыһ. кирбиигэ лаппа чугаһаатыбыт. Салгыы бастакы ыйдар түмүктэринэн анаалыс оҥоруохпут” – диэн ХИФУ үөрэххэ-мэтиэдикэҕэ үлэтин проректора Алексей Голиков иһитиннэрдэ. Бу туһунан ХИФУ пресс-сулууспата суруйар.
Борис Федорович Неустроев-Мандар Уус 80 сааһын туолбутунан, АЛРОСА хампаанньа Накыын руднигыттан хостоммут 51,39 карааттаах бөдөҥ…
ИДьМ сулууспатын 1 №-дээх полициятын отделын дьуһуурунай чааһыгар таксыы өҥөтүн оҥорор дьахтар тыллаабыт. Кини массыына…
«Дьиэ кэргэн» национальнай бырайыак «Ийэ уонна оҕо харыстабыла» бырагырааматын чэрчитинэн ыытыллар, 2025 сылга өрөспүүбүлүкэ территориятыгар…
Саха Өрөспүүбүлүкэтин Арбитражнай суутун 2025 с. сэтинньи 11 күнүнээҕи быһаарыытынан, «Саха Өрөспүүбүлүкэтин Биологическай ресурсалар, ураты…
Саха сиригэр байыаннай дьайыы бэтэрээннэрин үөрэх эйгэтигэр үлэҕэ ордук көхтөөхтүк тардар былааннанар. Бу туһунан СӨ…
Соторутааҕыта Кытай Харбин куоратыгар Норуоттар икки ардыларынааҕы муус уонна хаар оҥоһуктар күрэхтэһиилэрэ үгэс быһыытынан 37-с…