Андрей Сорокин хаартыскаҕа түһэриитэ, СИА
Балаҕан ыйын 1 күнүгэр Дьокуускайга доруобуйаларыгар хааччахтаах оҕолорго аналлаах үөрэх комплексын үлэҕэ киллэрэр туһунан СӨ Ил Дархана Айсен Николаев иһитиннэрдэ.
Маннык соругу кини бүгүн, тохсунньу 11 күнүгэр, тутааччыларга туруорда.
Бу 550 оҕо үөрэнэригэр анаммыт, 150 миэстэлээх интэринээттээх уонна 200 оҕо сылдьарыгар уһуйааннаах комплекс РФ Бэрэсидьиэнэ В.Путин көҕүлээбит «Үөрэхтээһин» национальнай бырагыраама иитинэн Сэргэлээх уулуссатыгар (шоссетыгар) тутуллар. 2025 сылтан бырайыагы «Ыччат уонна оҕолор» уонна «Каадырдар» диэн национальнай бырайыактар салгыыллар.
Эбийиэк СӨ Бырабыыталыстыбатын уонна «ПроШкола» ХЭУо икки ардыларыгар концессионнай сөбүлэһиилэринэн тутуллар. Бэдэрээччитинэн «Главстрой» олохтоох тутуу хампаанньата (манна «Арктик Капитал» ХЭУо киирэр) буолар.
«Үөрэтэр кластерга оҕолору сайыннарарга уонна чөлгө түһэрэргэ, чэбдигирдэргэ анаммыт сөптөөх усулуобуйа тэриллиэҕэ. Кластеры балаҕан ыйын 1 күнүгэр үлэҕэ киллэрэри былаанныыбыт. Эспиэрдэр сыаналыылларынан, бу Саха сиригэр эрэ буолбакка, Арассыыйаҕа тиийэ ураты суолталаах эбийиэгинэн буолар«, — диэн этэр Айсен Николаев.
Билигин эбийиэк иһигэр үлэ бара турар, истиэнэтин, муостатын, уотун-күөһүн оҥороллор. Барыта 130 киһи үлэлии сылдьар.
Санатан эттэххэ, Ил Дархан Айсен Николаев 2021 сыллаахха маннык комплексы тутуу наадатын туһунан этэн турар. Онно Ил Дархан Сэргэлээх шоссетыгар 34 №-дээх эргэ коррекционнай оскуола оннугар икки тус-туспа оскуоланы — орто оскуоланы уонна саҥа коррекционнайы тутар туһунан Дьокуускай куорат дьаһалтатын быһаарыытын утарбыт төрөппүттэри өйөөбүтэ.
Иһитинэриигэ этиллэринэн, манна доруобуйаларыгар хааччахтаах оҕолор сүрүн үөрэхтэрин таһынан, эбии дьарыктанар, үөрэнэр кыахтаналлар. Ол курдук, иистэнэ, уһана, туойунан ону-маны оҥоро, баттах кырыйа, хаартыскаҕа түһэрэ үөрэниэхтэрэ, үүнээйини бүөбэйдиир, көрөр-харайар буолуохтара. Маннык эбийиэк Арассыыйаҕа билиҥҥитэ соҕотох.
СӨ Ил Дарханын уонна Бырабыыталыстыбатын пресс-сулууспата
Андрей Сорокин хаартыскаҕа түһэриитэ, СИА
Сэтинньи 25-26 күннэригэр саха тылын, литэрэтиирэтин, култууратын учууталларын өрөспүүбүлүкэтээҕи III сийиэһэ ыытыллаары турар. Сийиэскэ сүүрбэччэ…
Саха сирин уустара Москваҕа ыытыллыбыт «Клинок – үгэс уонна аныгы кэм» норуоттар икки ардыларынааҕы быыстапка…
Дьокуускайга ыытыллар Дмитрий Коркин аатынан норуоттар икки ардыларынааҕы күрэхтэһиигэ Беларусь сүүмэрдэммит хамаандатын састаабыгар эр дьоҥҥо…
Алдан улууһун борокуратуурата сокуону кэһэн азартнай оонньуулары тэрийиигэ уонна ыытыыга буруйданар улуус икки олохтооҕун утары…
Дьокуускай куорат дьаһалтатыгар "Кыһын Саха сириттэн саҕаланар" өрөспүүбүлүкэтээҕи бэстибээл тэрийэр хамыыһыйатын мунньаҕа буолла. Мунньаҕы куорат…
Муома улууһун Кустуур сэлиэнньэтигэр сэтинньи 6 күнүгэр И.Н. Слепцов аатынан агро-оскуола «Уйа» бырайыагын чэрчитинэн тутуллубут…