Хаартыска: М.Васильева (СИА)
Ил Дархан Айсен Николаев икки улахан суолталаах ыйаахха илии баттаабытын туһунан бүгүн телеграм-ханаалыгар иһитиннэрдэ.
Ол курдук, 2030 сылга диэри болдьохтоох «Об основных направлениях государственной политики Республики Саха (Якутия) в Арктической зоне Республики Саха (Якутия)» уонна «Об экологическом благополучии Республики Саха (Якутия)» ыйаахтарга илии баттаата.
«Дойду Аҕа баһылыга Владимир Путин улахан экэнэмиичэскэй кыахтаах Арктика дойду сайдыытыгар стратегическай суолталааҕын этэн турар. Туһааннаах территория уратытын уонна социальнай-экэнэмиичэскэй усулуобуйатын учуоттаан, Саха сирин Арктическай зоната улахан болҕомтону эрэйэр», — диэтэ Ил Дархан.
Ил Дархан ыйааҕыгар өрөспүүбүлүкэ Арктическай зонатыгар үс тумус туттуллар хайысханы бэлиэтээтэ. Нэһилиэнньэ олоҕун хаачыстыбатын таһыма үрдүүрүн таһынан, социальнай инфраструктураны саҥардыы, нэһилиэнньэҕэ табыгастаах усулуобуйаны тэрийии, сүрүн хапытаалга инвестиция кээмэйин улаатыннарыы киллэриллибит.
Хас биирдии хайысхаҕа эрэгийиэннээҕи бырабыыталыстыбаҕа чопчу соруктар туруоруллубуттар. Холобур, Арктическай оройуоннарга олохтоох тыа хаһаайыстыбатын бородууксуйатынан хааччыйыыны 2030 сылга икки төгүл улаатыннарыы, Арктика оройуоннарыгар сылдьарга эрэйдээх, уустук суоллаах-иистээх нэһилиэнньэлээх пууннар 60 бырыһыаннарын пассажирдары таһыынан хааччыйыы.
Бары Арктическай оройуоннарга ИT-кииннэр баар буолуохтара. Эминэн-томунан хааччыллыы бырайыага үлэлиэҕэ.
Маны таһынан толору хааччылыылаах эньиэргийэ өттүнэн көдьүүстээх олорор дьиэлэр пилотнай бырайыактара үлэлиэҕэ. Олорор дьиэни тутууга тутуу матырыйаалын тиэйии бүддьүөттэн субсидияланыаҕа. Ураты болҕомто Тиксии-Найба агломерацияны сайыннарыыга ууруллуоҕа.
Ыйааҕы сиһилии манна билсиҥ https://www.sakha.gov.ru/uploads/ckfinder/userfiles/2024/03/13/files/244_65f11b33c8052.pdf
"Биисинэс-Экспо" урбаанньыттар быыстапкалара 2010 сылтан ыла ыытыллар буоллаҕына, Вера Лиханова бу тэрээһиҥҥэ 2019 сылтан ыла…
Ньурба улууһун Хорула нэһилиэгин Е.К. Федоров аатынан орто оскуолатыгар 204 саастаах алтан чуораан баар. "2020…
Ахсынньы 14 күнүгэр Саха сирин Бырабыыталыстыбатын Бэрэссэдээтэлин бастакы солбуйааччы Дмитрий Садовников Горнайга Атамайдааҕы элбэх өҥөнү…
Сир үрдүгэр эҥин араас дьикти, дьиибэ элбэх. Икки атахтаах ону сэргиир, сэҥээрэр, сорох онтон дьиксинэр,…
РФ бырабыыталыстыбата резервнэй пуондаттан чэпчэтиилээх IT-ипотекаҕа 23,5 млрд солк. көрдө. Туһааннаах дьаһалга премьер-миниистир Михаил Мишустин…
Бу күннэргэ СӨ Тыатын хаһаайыстыбатын уонна аска-үөлгэ министиэристибэтин сыллааҕы үлэтин түмүктүүр тэрээһиннэр ыытылыннылар. “Үбүлээһин саҥа…