Хаартыска: Sportyakutia.ru саайтан.
Турцияҕа эр дьон уонна дьахталлар ортолоругар 64-дуобакка Европа чөмпүйэнээтэ буола турар.
Чөмпүйэнээт үс бырагырааманан ыытыллар: классическай, түргэн уонна чаҕылҕанныы. Континенальнай чөмпүйэнээккэ Арассыыйа састаабыгар киирэн хас да спортсмеммыт кытта сылдьар: Колесов Гаврил, Гуляев Николай, Егоров Айсен, Апросимова Сандаара, Федорова Тунаара, Сергеева Нарыйаана, Большакова Алена, Никанорова Юлия, Колодезникова Альбина.
Бэҕэһээ, муус устар 17 күнүгэр, классическай бырагыраама түмүктэммитэ. Апросимова Сандаара классическай бырагыраамаҕа 64-дуобакка Европа чөмпүйүөнүнэн буолла. Инньэ гынан, Сандаара сахалартан бастакынан Европа икки төгүллээх чөмпүйүөнэ буолла!
Эрдэтээҥи түһүмэххэ Сандаара эрэллээхтик 1 миэстэни ылбыта. Финальнай чааһыгар олимпийскай систиэмэнэн оонньообуттара. Сандаара финал чиэппэригэр Турцияттан сылдьар аан дойдутааҕы гроссмейстеры Дарья Федоровиһы, финал аҥарыгар Беларусь аан дойдутааҕы маастарын Мария Таранинаны, финалга Арассыыйа гроссмейстерын Жанна Саршаеваны кыайталаата.
Сандаара Апросимова 18 саастаах, М.К. Аммосов аатынан Хотугулуу-Илиҥҥи федеральнай университет физкультураҕа уонна спорка институтун 1 кууруһун устудьуона. Спортсменка оҕо эрдэҕиттэн тириэньэр Иван Павлов салалтатынан дуобакка оонньуура. Оскуолаҕа үөрэнэ сылдьан Саха сирин, Арассыыйа, Европа, аан дойду араас чемпионаттарыгар кыттан кыайара, былырыын дьахталлар ортолоругар дойду, Европа, аан дойду чөмпүйүөнүнэн буолбута. Быйыл кини континеҥҥа саамай күүстээхтэрэ буоларын өссө төгүл бигэргэттэ.
Эр дьон ортотугар классическай дуобакка Европа чөмпүйүөнүнэн Санкт-Петербург эдэр дуобатчыта Роман Щукин буолла.
Бүгүн Турцияҕа түргэн бырагыраама чөмпүйэнээтэ буолар, сарсын чаҕылҕанныы бырагырааманан киирсиэхтэрэ, диэн иһитиннэрэр Sportyakutia.ru.
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…
Бүгүн Дьокуускай куоракка Опера уонна балет тыйаатырын дьиэтигэр өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III…
Дьокуускай олохтооҕо дьахтар наркотигынан эргинэн 17 сылга көҥүлэ быһыллар буолла диэн СӨ борокуратуурата иһитиннэрэр. Суут…
Саха сирин олохтоохторо МАХ национальнай мессенджергэ «Мин докумуоннарым» киин чат-ботун көхтөөхтүк туһанар буоллулар. Сервис бу…