Айталина Аргунова хаартыскаҕа түһэриитэ
А.Е. Кулаковскай аатынан норуоттар доҕордоһууларын дьиэтигэр сааскы кэрэ бырааһынньыгынан саҕаламмыт «Весенняя симфония красок» быыстапка улахан болҕомтону тарта.
Бу «Рисуем все» бырайыагы олоххо киллэрии чэрчитинэн тэрилиннэ. Манна эдэр худуоһунньуктар үлэлэрэ, сандал саас, кэрэ үөрүүтүн үксэтэр хартыыналар хараҕы сымнаталлар.
Быыстапкаҕа Дьокуускай куорат «Аревик» уруһуй устуудьуйатын үөрэнээччилэрин үлэлэрэ туруорулуннулар. Талааннаах педагог, «За вклад в развитие образования столицы» бэлиэ хаһаайына Сони Палоян салайааччылаах эдэр худуоһунньуктар чаҕылхай, санааны кынаттыыр, киһини үөрдэр хартыыналарын көрбүт дьон хайгыыллар. «Аревик» устуудьуйа 2009 с. тэриллибитэ.
Уон биэс сыл устата устуудьуйаҕа дьарыктанар оҕолор куорат, өрөспүүбүлүкэ, норуоттар икки ардыларынааҕы быыстапкаларга, куонкурустарга көтүппэккэ кытталлар. 6-17-гэр диэри саастаах оҕолор дьарыктанар устуудьуйалара оҕолор уруһуйдуу үөрэнэллэригэр, айар дьоҕурдарын сайыннаралларыгар бигэ тирэх буолар.
Быыстапкаҕа маны сэргэ, «Ай-тал-тик»устуудьуйа салайааччыта Татьяна Шишигина аҕалбыт үлэлэрин дьон-сэргэ сэҥээрдэ. Кини норуот маастара, үлэ бэтэрээнэ, Хаҥалас улууһун «Уран» маастардар уонна уустар түмсүүлэрин бэрэссэдээтэлэ, «Саха сирин кэллиэксийэньиэрдэрэ» эрэгийиэннээҕи уопсастыбаннай түмсүү чилиэнэ. Татьяна Николаевна оҕо эрдэҕиттэн значоктары, мааркалары, артыыстар хаартыскаларын мунньар.
Быыстапка үөрүүлээх тэрээһинигэр Виктория Попова, «Сандаар» музыкальнай устуудьуйа (сал.Александра Сивцева), «Арарат» үҥкүү ансаамбыла (уус-уран сал. Давтян Греген) кыттыыны ыллылар, тэрээһини киэргэттилэр.
Ыалдьыттар астына-дуоһуйа сынньаннылар, бэртээхэй ырыаны-тойугу иһиттилэр, үҥкүүнү көрдүлэр, быыстапканы кэрэхсээтилэр, тэрийээччилэргэ махтаннылар.
А.Е.Кулаковскай аатынан норуоттар доҕордоһууларын дьиэтин пресс-сулууспата
Айталина Аргунова хаартыскаларга түһэриитэ
Ааспыт нэдиэлэ устата Дьокуускай куорат мээрийэтин административнай хамыыһыйата сымыйа кафеҕа, түүҥҥү кулуупка уонна итирдэр утахтары…
Соторутааҕыта тахсыбыт “Саха култууратын тиэрминнэрин нууччалыы-сахалыы, сахалыы-нууччалыы тылдьыта” дьоҥҥо-сэргэҕэ бэрт туһалаах буолсу. Аныгы курдук хас…
Чуапчы улууһун Соловьев нэһилиэгин баһылыгын боломуочуйатын болдьоҕун иннинэ тохтотор туһунан суут быһаарыыта күүһүгэр киирдэ. Чурапчы…
Офтальмология өрөспүүбүлүкэтээҕи балыыһатын мобильнай быраастара ыраах сытар нэһилиэнньэлээх пууннарга, ол иһигэр Арктика улуустарыгар, харахха эпэрээссийэлэри…
Бүгүн күнүс улуус киинин Амманы уонна Чакыр нэһилиэгин бэйэ-бэйэлэриттэн "арааран" турар Амма өрүс биир кытыллыттан…
Саха сиринээҕи Суут бириистэптэрин управлениетын Дьокуускай куораттааҕы салаата кирэдьиит төлөбүрүн төннөрөр туһунан дьыаланы түмүктээтэ. Дьокуускай…