Сандалы тула ирэ-хоро кэпсэтэн…

Аҕам саастаахтар күннэригэр Куокуй нэһилиэгэр аҕам саастаахтар декадалара үөрүүлээхтик арылынна.

Баһылык Лев Павлов эҕэрдэлээн туран, ытык кырдьаҕастарбытыгар Гаврил Тимофеевич Гуляевка, Аксиния Дмитриевна Новиковаҕа Кыайыы 80 сылынан үбүлүөйдээх мэтээллэри, 1941-1945 сс. Донецкай иһин кыргыһыыга кыттыбыт Лукинов Платон Семенович оҕолоругар, сиэннэригэр өйдөбүнньүк мэтээли, үбүлүөйдээх олохтоохторго Любовь Алексеевна Ивановаҕа, Гаврил Тимофеевичка эҕэрдэ суруктары туттарда. Ону тэҥэ Куокуйга өр кэмҥэ биэлсэринэн үлэлээбит Гуляева Матрена Николаевна саҥа тахсыбыт «Санаалар араастар, элбэхтэр…» кинигэтин бииргэ алтыспыт биир дойдулаахтарыгар Нина Егоровна Олесова туттарда.

Аҕам саастаах дьоннорбутун оскуола кэлэктиибин аатыттан Ася Ивановна Яковлева, Ольга Ивановна Гуляева эҕэрдэлээтилэр. Ольга Ивановна кэлбит ыалдьыттары көрдөөх оонньуулары ыытан сэргэхситтэ. Олохтоох бибилиотека сэбиэдиссэйэ Варвара Никифоровна бэлэмнээбит араас тиэмэҕэ сыһыаннаах викторинаҕа олус көхтөөхтүк кытыннылар, билиилэрин көрдөрдүлэр, кыайыылаахтарга бириистэри туттардылар. Нэһилиэк бары тэрилтэлэрэ бэйэлэрин бэтэрээннэригэр бырааһынньыктааҕы бэлэхтэрин туттардылар. Тугэнинэн туһанан, бары тэрилтэлэр салайааччыларыгар,»Күннэй» маҕаһыын кэлэктиибигэр барҕа махтал тылларын тиэрдэбит. Ытык-мааны кырдьаҕастарыт сандалы остуол тула ирэ-хоро кэпсэтэн, көрдөөх оонньуулары оонньоон, эҕэрдэ нүөмэрдэри көрөн астыннылар.

Полина Жергина.