Сангаар бөһүөлэгин 60 саастаах дьахтара убатыллыбыт испиири атыылаан ыстарааптанна

Кэбээйи оройуонун суутун уурааҕынан Сангаар бөһүөлэгин 60 саастаах дьахтара административнай кодексын 1 ч. 14.17.1 ыст. буруйдааҕынан ааҕылынна уонна 15 000 солк. суумаҕа ыстарааптанна.

Ол курдук, бу сыл олунньу 19 күнүгэр дьахтар бэйэтин дьиэтиттэн испиири атыылыыр анал көҥүлэ суох сылдьан, 33 %-нан убатыллыбыт икки бытыылка испиири 1000 солк. атыылаабыт.

Дьахтар буруйун толору билиммит. Суут уурааҕа сокуоннай күүһүгэр киирэ илик диэн СӨ сууттарын холбоһуктаах пресс-сулууспата суруйар.