Сангаарга баһаар кэннэ үс киһи үгээрдээн балыыһаламмыт

Кэбээйи оройуонун Сангаар бөһүөлэгэр 12 кыбартыыраалаах дьиэ умайда. Быһылаан түмүгэр үс киһи эмсэҕэлээтэ.

Бу туһунан ЫБММ Саха сиринээҕи сулууспата иһитиннэрэр. Баһаар буолбутунун тахсыбытын туһунан муус устар 17 күнүгэр киэһэ 21:53 чааска тыллаабыттар. Дьиэ Горбунов аатынан уулуссаҕа умайбыт.

Икки мүнүүтэнэн баһаарынайдар быһылаан тахсыбыт миэстэтигэр тиийбиттэр. Ол кэмҥэ подъезтан буруо тахсар эбит. Дьиэ 3 кв.м. иэнэ уокка былдьаммыт. 9 киһини эвакуациялаабыттар. Үгээрдээбит үс эмсэҕэлээбит киһини, Саха сирин борокуратууратын дааннайынан, балыыһаҕа киллэрбиттэр. Баһаар төрүөтэ, буруйдаах сирэй уонна хоромньу быһаарыллар. Уоту умуруорууга 16 киһи уонна 3 тиэхиньикэ тардыллыбыт.