Сангаарга дьахтар маарката суох табаҕы эргинэн буруйданна
12.02.2025, 11:30
Хаартыска: СӨ Борокуратууратын пресс-сулууспата
Бөлөххө киир:
Бу күннэргэ Кэбээйи оройуонугар маарката суох табаҕы атыылаһан ылыыга, харайыыга уонна атыылааһыҥҥа холуобунай дьыала көбүтүллэн, суут көрүүтүгэр ыытылынна диэн СӨ Борокуратууратын пресс-сулууспата суруйар.
Холуобунай дьыалаҕа Сангаар бөһүөлэгин олохтоох дьахтара буруйданар. Дьыала матырыйаалларынан, 2023 сыл бэс ыйыгар дьахтар Челябинскай уобалас Копейскай куораттан маарката суох 352 тыһ. солк. суумалаах барыта 2369 паачка табаҕы атыыласпыт. Ол кэннэ Сангаар бөһүөлэк биир маҕаһыыныгар нэһилиэнньэҕэ атыылаабыт.
Холуобунай дьыала ИДьМ сулууспатынан силиэстийэлэммит уонна Кэбээйи улууһун борокуруонунан суут көрүүтүгэр ыытылынна. Маарката суох табах былдьанна.
+1
+1
+1
+1
+1
1
+1
+1
Сообщить об опечатке
Текст, который будет отправлен нашим редакторам: