Ульяна Захарова хаартыскаҕа түһэриитэ
Кэбээйи улууһун Сангаар бөһүөлэгэр ааспыт сыл атырдьах ыйыгар сэттэ саастаах оҕо оонньуур былаһааккаҕа сырыттаҕына, ыт саба түспүтэ. Оҕону көхсүттэн ытыран эчэппит.
Айдаан тахсыбытыгар ыт хаһаайына ким буолара биллибэтэх. Онон Холуобунай дьыала тэриллибэтэх. Сэттэ саастаах оҕо бэйдиэ сылдьар ыттары кэмигэр туппатахтарыттан эмсэҕэлээбит диэн буолбут. Бөһүөлэк дьаһалтата оройуоннааҕы суут уурааҕын кытта сөпсөспөккө, үрдүкү суукка үҥсүбүт. Тоҕо диэтэххэ, бэйдиэ сылдьар ыттары тутар буоллахха, кинилэри бастатан туран ыты тутар пууҥҥа эбэтэр приюкка аҕалыахха наада. Оттон маннык пуун да, приют да Сангаар бөһүөлэгэр суох эбит. Ону сэргэ, приюту тутарга ханнык да үп көрүллүбэтэх. Гражданскай дьыалаларынан дьарыктанар Үрдүкү Суут кэллиэгийэтэ оройуон суутун быһаарыытын оннунан хаалларбыт. Онон сааһын ситэ илик эмсэҕэлээбит оҕо сокуоннай бэрэстэбиитэлигэр 50 тыһыынча солкуобайы төлүүр туһунан уураахтаабыт.
Бэйдиэ сылдьар ыт боппуруоһа киин куоракка эрэ буолбакка, үгүс улуустарга эмиэ сытыытык турар сүрүн кыһалҕанан буолар. Бу кыһалҕа хаһан быһаарыллан оҕо-аймах куттаммакка эрэ былаһааккаларга холкутук оонньуур буолуой?
Өрөспүүбүлүкэ икки сэлиэнньэтигэр саҥа култуурунай-спортивнай комплекстар аһылыннылар. Бу туһунан Ил Дархан Айсен Николаев МАКС-сыһыарыыга ханаалыгар…
Аҕа дойду Улуу сэриитин бэтэрээнэ Петр Константинович Яковлев олохтон туораата. Бу туһунан СӨ Үлэҕэ уонна…
Сокуоннай сааһын туола илик оҕо ийэтэ, оҕо быраабын көмүскүүллэригэр суруйбут суругунан Кэбээйи улууһун борокуратуурата бэрэбиэркэ…
Москва куорат оҕо быраабыгар боломуочунайа Ольга Ярославская бэс ыйыгар оҕолору үөрэтиэххэ баар этэ диэн эппит.…
Усуйааанатааҕы суол учаастагын производственнай баазатын гарааһыгар биир сонун ыалдьыттаннылар. "Дороги Арктики" тэрилтэ Уус Куйгаҕа баар…
Орто Халыма улууһун борокуратуурата доруобуйаларынан хааччахтаах дьон быраабын тутуһууга бэрэбиэркэ ыытта. Улуус үс инбэлиитэ доруобуйаны…