Хаартыска: Андрей Сорокин, СИА.
Санкт-Петербургтан Дьокуускайга көтөн испит сөмөлүөккэ биир пассажир илиигэ тутуллар суумкатыгар угулла сылдьар пауэрбаан умайда.
Быһылаан кэмигэр дьахтар уокка салатан ылла.
Быһылаан “Якутия” авиахампаанньа сөмөлүөтүгэр таҕыста. Пауэрбааҥҥа кылгас замыкание буолбутуттан сылтаан салоҥҥа буруо тахсыбыт уонна көбүөр сабыы ууллубут. Тэрили биир пассажир илиигэ тутуллар суумкатыгар укта сылдьыбыт.
“Улахан содуллаах дьыала тахсыбатын туһуттан сөптөөх дьаһаллары ыла охсубуппут. Сөмөлүөт штатнай эрэһииминэн көтөн испитин курдук көппүтэ, Дьокуускай аэропуордугар этэҥҥэ түстүбүт”, — диэн биллэрдэ “Якутия” авиахампаанньа.
Быһылаан түмүгэр биир пассажир эмсэҕэлээбит. Дьахтар уокка сиэппит. Аэропорт медпууна киниэхэ суһал көмө биригээдэтин ыҥырбыттар.
“Сарсыарда 5 чааска уокка сиэппит дьахтар көмөҕө наадыйбыта. Бастааҥы көрүү уонна мэдиссиинискэй көмө оҥоһуллубутун кэннэ ыарыһаҕы дьиэттэн сылдьан эмтэниигэ ыыттыбыт. Туруга этэҥҥэ”, — диэн ЯСИА-ҕа иһитиннэрдэ СӨ Доруобуйаҕа харыстабылын министиэристибэтэ.
Тырааныспар борокуратуурата ЯСИА-ҕа эппитинэн, умайыы тахсыбыт төрүөтүнэн сөмөлүөккэ бэрэбиэркэ ыытыллар.
Дьокуускай куорат "Спортивнай" түөлбэтигэр уопсайа 329 тыһыынча кв.м кэриҥэ иэннээх 53 элбэх кыбартыыралаах дьиэ тутуута…
Бүгүн, олунньу 3 күнүгэр, киэһээ 16:14 чааска Саха сирин Быыһыыр сулууспатыгар 112 нүөмэригэр Бүлүүлүүр суол…
Үгэскэ кубулуйбут «Тымныы полюһугар айан 2026» бэстибээл улууска кулун тутар 28 күнүттэн 30 күнүгэр диэри…
Полиция албын дьиэтээҕи чаттарга ыытар түөкүн чат-бот сигэлэрэ баар буолбуттарын иһитиннэрдэ. Холобур, счетчигы бэрэбиэркэлиир маннык…
Вице-премьер Георгий Степанов салайааччылаах өрөспүүбүлүкэ бырабыыталыстыбатын оробуочай бөлөҕө Муома улууһун Буор-Сыһыы сэлиэнньэтигэр отчуоттаата, диэн www.sakha.gov.ru…
Бу күннэргэ өрөспүүбүлүкэ улуустарын Землячестволара ааспыт сыллааҕы үлэлэрин түмүгүн таһаарар тэрээһиннэри ыыталлар. Ааспыт нэдиэлэ бүтүүтүгэр…