Салгыы
Санкт-Петербург куоракка туристар эбии харчы төлүүр буоллулар

Санкт-Петербург куоракка туристар эбии харчы төлүүр буоллулар

01.04.2024, 15:54
Хаартыска: "Деловой Петербург"
Бөлөххө киир:

Муус устар  1 күнүттэн Санкт-Петербург куоракка сылдьалларын иһин, туристар күн аайы харчы төлүүр буоллулар. Турист гостиницаҕа, отельга, хостелга түстэҕинэ, күн аайы 100 солкуобайы эбии төлүүр буолар.

Бу хомуллубут харчы куорат култуурунай, туристическай эбийиэктэрин саҥардыыга барыахтаах. 18 сааһын туола илик оҕолортон уонна устудьуоннартан бу хомуур харчыны ылбаттар.

Оттон урут хайдах этэй? Сэбиэскэй Сойуус саҕана 1933 сылтан куруортарга сынньанар дьон (байыаннайдартан уонна кыамматтартан ураты) биирдэ 3 солкуобайы төлүүр этилэр. 1936 сылтан бу хомуур харчы путевкаҕа пошлина курдук хомуллар буолбута. 1960 сылтан сонотуоруйдарга идэлээх сойуустар хомуйар буолбуттара.

2018 сылтан тустаах сокуон ылынан, эспэримиэн быһыытынан Крымҥа, Алтаайга, Краснодар уонна Ставрополье кыраайдарыгар сынньана кэлбит дьонтон куруорт хомуурун — 10, 30, 50 солкуобайы ылар буолбуттара. Ставропольскай кыраайга: Ессентукига, Железноводскайга, Кисловодскайга, Пятигорскайга, Белокурихаҕа киһиттэн сууккаҕа 50 солкуобайы ылар этилэр. Пандемия кэмигэр Алтаайга хомууру тохтото сылдьыбыттара.

Онон 2018-2022 сылларга Страврополье кыраайыгар 1,2 миллиард солкуобай, Краснодар кыраайыгар — 1,1 миллиард солкуобай, Алтай кыраайыгар — 165 мөлүйүөн солкуобай хомуллубута.

2022 сыл ахсынньы 5 күнүгэр Владимир Путин эспэримиэни 2024 сыл ахсынньы 31 күнүгэр диэри уһатар туһунан сокуоҥҥа илии баттаабыта. Манна Санкт-Петербург куорат эмиэ киирбитэ.

Билигин Ставропольскай кыраайга туристартан сууккаҕа 100 солкуобайы, Краснодарскай кыраайга — 30-50 солкуобайы, Алтайскай кыраайга — 50 солкуобайы ылаллар.

+1
0
+1
0
+1
0
+1
0
+1
0
+1
1
+1
0
Бары сонуннар
Салгыы
16 апреля
  • 3°C
  • Ощущается: 0°Влажность: 32% Скорость ветра: 3 м/с

Сообщить об опечатке

Текст, который будет отправлен нашим редакторам: