Бүгүн Санкт-Петербург куоракка “Тымныы полюһуттан Москваҕа” диэн Өймөкөөнм улууһун аатырбыт сылгыһыта, экстремал-айанньыта Дугуйдан Винокуров айаныгар анммыт хаартысканан быыстапка аһыллыаҕа.
Бу туһунан Ил Дархан уонна бырабыыталыстыба пресс-сулууспата иһиннэрдэ. Куйаар ситиминэн быһа сибээскэ тахсан, Дугуйдан Винокуров 11 000 км балтараа сыл курдук барбыт саха атынан уустук айанын туһунан сиһилии кэпсиэҕэ уонна саҥа былаанныы сылдьар бырайыактарын билиһиннэриэҕэ.
Маны таһынан, Илин Сибиир, Уһук Илин уонна Евразийскай континент уһук-илиҥҥи, Аляска уонна Хотугу Эмиэрикэ Арҕаа эрэгийэнин туһунан «Пути великих свершений» историческай документальнай киинэ бастакы сиэрийэтин сүрэхтэниитэ буолуоҕа. Киинэ сүрүн идиэйэтэ – Семен Дежнев уонна Витус Беринг курдук устуоруйаҕа суолталаах оруоллаах дьон айаннарыгар Саха сирин оруолун сырдатыы.
Суолталаах тэрээһиннэри РФ Бэрэсидьиэнин иһинэн үлэлиир Саха сирин Бастайааннай бэрэстэбиитэлистибэтэ, Санкт-Петербургдааҕы Нуучча географическай уопсастыбата уонна Саха сирин Уһук Илиннээҕи бастайааннай бэрэстэбиитэлистибэтэ тэрийдилэр. Тэрээһиннэр Саха АССР тэриллибитэ 100 сылыгар ананан, Санкт-Петербургдааҕы Нуучча географическай уопсастыбатын Штаб-кыбартыыратыгар ыытыллыахтара.
Бүгүн Кэбээйи улууһун дьаһалтатын социальнай хантараагынан судаарыстыбаннай социальнай көмөнү оҥорууга хамыыһыйа быйылгы сыл 4 ыйынааҕы…
Былырыын Чурапчы улууһугар түөрт оҕоҕо бэйдиэ сылдьар ыттар саба түһэн эмсэҕэлэппиттэрэ. Бэйдиэ сылдьар ыттары көрүүгэ-истиигэ…
Өлүөнэ өрүскэ муус хойуутук устан Дьокуускай, Нам, Мэҥэ Хаҥалас оройуоннарынан ааһар. Уу таһыма Кангаласс микро-оройуонугар…
Бүгүн Ил Дархан Айсен Николаев Арассыыйа-Кытай ЭКСПО-ҕа РФ бэрэсидьиэнэ Владимир Путиҥҥа уонна Кытай норуодунай өрөспүүбүлүкэтин…
Ыам ыйын 18 күнүгэр Түмэллэр аан дойдутааҕы күннэрэ бэлиэтэнэр. Бу күнү көрсө Саха сирин түмэллэрэ…
Тарас Тарасов-Тускул ыам ыйын 18-23 күннэригэр Саха сиригэр хайдах күн-дьыл буоларын анаарда диэн "Саха" НКИХ…