Салгыы
Санкт-Петербурга эдэр үҥкүүһүттэр ситиһиилэннилэр

Санкт-Петербурга эдэр үҥкүүһүттэр ситиһиилэннилэр

24.05.2024, 11:11
Хаартыска: Лейла Алексеева.
Бөлөххө киир:

Дьокуускайтан «Санрайз» үҥкүү кулууба (салайааччы Юрий Алексеев) Санкт-Петербург Адмиралтейскай оройуонун  чөмпүйэнээтин уонна первенствотын 5 түһүмэҕэр ситиһиилээхтик кытынна. 

Хаартыска: Лейла Алексеева.

Турнир араас категорияларыгар эдэр спортсменнар Михаил Алексеев уонна Саяна Тагаймуродова кыайдылар, Екатерина Байрактарь, Туйаара Борисова уонна Мария Алексеева биристээх миэстэлэри ыллылар уонна кыайдылар.

Маны тэҥэ, оҕолор Санкт-Петербурдааҕы «Mаy Dance nomination 2024» үҥкүү сойууһун аһаҕас чөмпүйэнээтигэр  Екатерина Байрактарь, Туйаара Борисова, Максимилиан Алексеев уонна Полина Михайлова бастакы уонна бириистээх миэстэлэри ыллылар.

Тириэньэр Юрий Алексеев эдэр спортсменнар тулуурдарын, сыалларын ситиһэллэрин бэлиэтээтэ. «Санрайз» алын бөлөҕө, кырачааннар Петербург паркетыгар олус үчүгэйдик кытыннылар. Кинилэргэ бу улахан уопут буолар. Күүстээх, бастыҥ спортсменнар мустар турнирдарыгар оҕолор көрөн үөрэнэллэр, маастарыстыбаларын тупсараллар.

СӨ үҥкүү спордун сойууһа (бэрэсидьиэн Людмила Николаева) «Санрайз» кулууп спортсменнарын эҕэрдэлиир уонна үрдүк ситиһиилэри баҕарар.

+1
3
+1
0
+1
0
+1
0
+1
0
+1
1
+1
0
Бары сонуннар
Салгыы
23 июля
  • 23°C
  • Ощущается: 23°Влажность: 64% Скорость ветра: 2 м/с

Сообщить об опечатке

Текст, который будет отправлен нашим редакторам: