Санкт-Петербурга экэнэмиичэскэй пуорумҥа Саха сириттэн кыттыахтара

Бэс ыйын 14–17 күннэригэр Петербургдааҕы норуоттар икки ардыларынааҕы экэнэмиичэскэй пуорумҥа (ПМЭФ) Саха сирин дэлэгээссийэтэ кыттыыны ылыаҕа.

Суолталаах тэрээһиҥҥэ аан дойдуга буола турар балысхан уларыйыылар кэмнэригэр экэниэмикэ сайдыытын тула кэпсэтии буолуоҕа. Уустук  усулуобуйаҕа Арассыыйа экэниэмикэтин саба баттааһын буола турар кэмигэр инники былааннары, хайысхалары ырытыахтара.

Дьыалабыай бырагыраамаҕа 140-тан тахса тэрээһин буолара былааннаммыт. Ол курдук, тэрээһин кыттыылахтарыгар анаан араас сиэссийэлэр, маастар-кылаастар, биисинэс-көрсүһүүлэр буолуохтара.

ПМЭФ чэрчитинэн дьоҕус уонна орто биисинэс, фармацевтика, креативнай биисинэс пуорумнара ыытыллаллара былааннанар. Маны таһынан, норуоттар икки ардыларынааҕы «Душа России» бэстибээл ыытыллыаҕа.