Санкт-Петербурга Евразиятааҕы экэниэмикэ сойууһун мунньаҕа буолуоҕа

Ахсынньы 25-26 күннэригэр Санкт-Петербург куоракка Евразиятааҕы экэниэмикэ үрдүкү сэбиэтин мунньаҕа ыытыллыаҕа.

Евразиятааҕы экэниэмикэ сойууһугар биэс дойду, Арассыыйа, Армения, Казахстан, Белоруссия, Киргизия киирэр. Быйыл бу дойдулар ыам ыйыгар Москваҕа көрсөн эмиэ улахан мунньах ыытан тураллар. Онно аан бастакытын ыҥырыылаах ыалдьыт быһыытынан Азербайджан бэрэсидьиэнэ Ильхам Алиев кыттыыны ылбыта. Сойуус ыытар мунньаҕар Армения уонна Азербайджан сыһыаннаһыыларын, чуолаан Хайа Карабаҕын кыһалҕатын, ырытыыга таһаарбыттара.

Бүгүҥҥү мунньаҕы РФ бэрэсидьиэнэ Владимир Путин бэйэтэ иилээн-саҕалаан ыытыаҕа. Бэрэсидьиэн пресс-киинэ иһитиннэрбитинэн, көрсүһүүгэ биэс дойду салайааччылара Сойуус бу сыллааҕы түмүгүн таһаарыахтара уонна 2030, 2045 сылларга диэри былааннарын декларациятын ылыныахтара. Ону сэргэ Тутулуга суох судаарыстыбалар түмсүүлэрин мунньаҕын ыытыахтара.