«Якутск» хараабылы байыаннай муора флотун састаабыгар ыллылар

«Адмиралтейские верфи» тэрилтэтигэр байыаннай муора флотун сүрүн ВМФ солбуйааччыта Владимир Воробьев салайааччылаах «Якутск» диэн улахан дизельнэй-электрическэй уу аннынан устар хараабылы байыаннай муора флотугар туттарыы үөрүүлээх сиэрэ-туома ыытылынна.

Владимир Воробьев хараабыл уонна суудуна тутааччыларын, байыаннай моряктары Главнокомандующай адмирал Александр Моисеев аатыттан эҕэрдэлээтэ уонна Андреевскай былаахтаах туруоруллубут соруктары чиэстээхтик толороллоругар баҕарда.

«Якутск» уу аннынааҕы хараабыл сибээһэ олох аныгылыы, кый ыраахтан таба ытар сэбинэн-сэбиргэлинэн хааччыллыбыт. Саҥа элбэх сыаллаах- соруктаах дизельнэй-электрическэй хараабыл тыаһа суох устар уонна радарга көстүбэт. НАТО-ҕа хараабылы «черная дыра» диэн ааттыыллар.

Арассыыйа Бэрэсидьиэнэ Владимир Путин салалтатынан 2024 сыл алтынньытыгар ууга түһэриллибит. Ууга түһэрии кэнниттэн судаарыстыбаннай тургутуулары ситиһиилээхтик ааспыт, диэн Оборуона министиэристибэтин пресс-сулууспата суруйар.