Санкт-Петербургтан Дьокуускайга көтөн испит сөмөлүөт аэропуорка төнүннэ

Ахсынньы 24 күнүгэр ЯК-488 Санкт-Петербург – Дьокуускай рейсин толоруу кэмигэр, салгын аалын хамандыыра, тиэхиньикэ алдьаныытынан, көтүүгэ куттал суох буолуутун хааччыйар сыалтан «Внуково» аэропуордугар төннөргө быһаарбыт.

Иккистээн көтүү ахсынньы 24 күнүн киэһэтигэр былааннаммыт. Көппүттэрин кэннэ, тиэхиньикэ алдьанан, сөмөлүөт «Внуково» аэропуорт саппаас аэродромугар түспүт.

«Якутия» авиахампаанньа Федеральнай авиационнай быраабыланан  пассажирдарга өҥөнү оҥорууну  барытын тута тэрийбит: гостиницанан, аһынан уонна утаҕынан хааччыйбыт.

Пассажирдары бириэмэтигэр тиийиэхтээх сирдэригэр тириэрдэр сыалтан, солбук салгын аалынан көтүтэргэ быһаарыллыбыт. Москва (Внуково) – Дьокуускай хайысхатынан саҥа көтүү ахсынньы 25 күнүгэр Москва бириэмэтинэн 03:30 чааска оҥоһуллуо.

«Якутия» авиахампаанньа бу быһыынан пассажирдартан бырастыы гыналларыгар көрдөһөр уонна өйдүүллэрин иһин махтанар. Пассажирдарбыт куттала суох көтүүлэрэ биһиги сүрүн сорукпут диэн иһитиннэрэллэр.