Хаартыска: Мария Максимова тиксэриитэ.
Бу күннэргэ Дьокуускайга Санкт-Петербургдааҕы судаарыстыбаннай академическай капеллата гостуруоллуу сылдьар.
Классическай муусука ураты кэнсиэригэр кыттар биллэр-көстөр артыыстар ортолоругар Өймөкөөн улууһун Сордоҥноох нэһилиэгиттэн төрүттээх Вероника Дягилева баар. Оройуоннааҕы култуура салаатын методиһа Мария Максимова «Северное сияние» кэнсиэр туһунан санаатын маннык үллэһиннэ:
—Вероника Дягилеваны кытта биир сайылыкка улааппыппыт. Онон биир дойдулаахпыт дойду музыкальнай култууратын сайдыытыгар бэйэтин кылаатын киллэрэ сылдьарыттан биһиги, кини доҕотторо, олус үөрэбит уонна кининэн киэн туттабыт. Кэрэхсэбиллээҕэ баар, капелла тутаах ырыаһытын быһыытынан кыыспыт сахатын муусукатын атын норуоттар култуураларын кытта бииргэ дьүөрэлии тутан, ускуустуба биир ураты көрүҥүн быһыытынан арыйда. Кэнсиэргэ көрөөччү ырыаһыт хас биирдии ырыатын дохсун ытыс тыаһынан көрсөрүн истэ-көрө олорор Өймөкөөн улууһун олохтоохторо Вероникабыт ситиһиилэринэн ис сүрэхпититтэн киэн тутуннубут. Кини маннык ураты дьоҕурунан саҥа көлүөнэ айар куттаах артыыстары угуйуоҕар, баай музыкальнай култуурабытын сайыннаран, киэҥ араҥаҕа маннык күүстээхтик уонна ылыннарыылаахтык салгыы тарҕатарыгар бигэ эрэллээхпит. Өймөкөөн улууһун баһылыгын аатыттан Вероника Дягилеваҕа Махтал сурук уонна сибэкки дьөрбөтүн туттардыбыт. Кэнсиэр дьиҥнээх муусука уонна ускуустуба бырааһынньыгынан буолла.
Ити курдук, ыраах Сордоҥноох нэһилиэгиттэн төрүттээх Вероника Дягилева төрөөбүт дойдутугар кэлэн, Санкт-Петербургдааҕы судаарыстыбаннай академическай капелла аатын ааттатта.
Ахсынньы 15 күнүгэр Дьокуускайга "Патриот" киин арыллыаҕа. Бу ыччакка улахан суолталаах киин буолар. Бу туһунан…
Дьокуускайга ахсынньы 9 күнүгэр "Арассыыйа -- мин устуоруйам" пааркаҕа Аҕа дойду Дьоруойдарын чиэстээтилэр. Бу суолталаах…
2024 сылга «Полярные авиалинии» авиахампаанньа Маҕаннааҕы авиационнай-техническэй баазатын авиатехнига Арассыыйа Федерациятын Оборуонаҕа министиэристибэтин кытта хантараак…
Саха сирэ "Бессмертный полк России" Бүтүн Арассыыйатааҕы хамсааһын пуорумугар "Прорыв года" диэн номинацияҕа кыайыылаах таҕыста.…
Ленскэй оройуоннааҕы ИДьМ дьуһуурунай чааһыгар олохтоох киһи матасыыкылын уордарбытын туһунан иһитиннэрбит. Эмсэҕэлээччи эппитинэн, 25 тыс.солк.…
Мииринэй оройуонун Аҕа дойду буойуннарын дьиэ кэргэннэрин кэмитиэтин салайааччытын солбуйааччы Юлия Порядочных "Патриот" национальнай бириэмийэ…