Санникова Зоя Лукинична-Үчүгэй

“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.

Куонкуруспут 78-с кыттааччыта  Таатта Ытык Күөлүттэн  Санникова Зоя Лукинична-Үчүгэй:

Аҕа дойдуну араҥаччылыы,
Ийэ сири көмүскүү баарта
Алаһа дьиэ аҕа баһылыга,
Бэйэтин көҥүл иэһин толоро.

Түүн этэ.. . Эмискэ этиҥ эппитэ…
Соһуччу бэбиэскэ кэлээтин кытта
Аҕыйах сөкүүндэнэн бэлэм буолаат,
Утуйа сытар оҕолорун сыллаата.

Кэргэнэ атаарта кыайыыны баҕаран,
Норуота харыстаан харысхал биэрэн,
Көмүскэс санаалаах Күн Айыы дьонноро,
Күүс-көмө буоланнар өйөөбүттэрэ.

Барбыттар бука бары дьоруойдар,
Ньиргийэн ааһар охсуһуу уотуттан,
Сэрииттэн тыыннаах хааллыннар кинилэр,
Эйэлээх олоҕу уһансыбыттар.

Хорсун-хоодуот саллаат тоҥ күөнүнэн көрсүһүө,
Хомпоруун хотойдуу хорсуннук охсуһуо,
Кырдьык иһин охсуһан кыайыа-хотуо,
Кыһыл былааҕы хоточчу өрө тутуо.