Надежда Егорова хаартыскаҕа түһэриилэрэ
Өлүөхүмэ улууһугар бырабыыталыстыба отчуотун бөлөҕүн СӨ үпкэ миниистирин бастакы солбуйааччы Иван Алексеев салайар.
Иван Иванович бөлөҕөр өрөспүүбүлүкэ министиэристибэлэриттэн, департаменнартан, судаарыстыбаннай кэмитиэттэртэн Игорь Эляков, Полина Ильина, Елизавета Егорова, Николай Макаров уонна СӨ Судаарыстыбаннай мунньаҕын дьокутаата Николай Кульбертинов бааллар. Отчуоттуур бөлөҕү улуус баһылыга Николай Харбин, үс нэһилиэнньэлээх пуун баһылыга Роман Габышев арыаллаатылар.
Бөлөх бэҕэһээ Малыкаан нэһилиэнньэлээх пуун кэнниттэн Саҥыйахтаахха кэллэ уонна бастаан социальнай эбийиэктэргэ, ол иһигэр, балыыһаҕа, сырытта. Нэһилиэнньэни кытары көрсүһүү бэрт сэргэхтик ааста.
Олохтоохтор гаас суох буолан маһынан оттон олороллорун, сытар куойкалардаах учаастактааҕы балыыһа тутуллуутун, биэнсийэлээхтэр айанныылларыгар чэпчэтиилээх төлөбүрү, сапыраапкалыыр ыстаансыйа баар буолуутун, кырдьаҕастартан сир нолуогун тоҕо ылалларын, дьон көһөн нэһилиэнньэлээх пууннар кураанахсыйан эрэллэрин уо.д.а. боппуруостары көтөхтүлэр.
Биир олохтоох киһи сотору оттор мас суох буолуоҕуттан, тоҕо диэтэххэ, сорох ойуурга маһы үөн-көйүүр сиирин курдук көстүү баарыттан долгуйарын эттэ. Иван Алексеев атын улуустар курдук, чинчийии анаалыстарын ыытарга сүбэлээтэ.
Николай Кульбертинов массыынаны сапыраапкалыыр ыстаансыйа аны сайыҥҥыттан үлэлиэҕин туһунан этэн олохтоохтору үөртэ. Даппарайга курдук, аныгы тутуулаах кырасыабай сапыраапка баар буолуоҕа.
Саҥыйахтаахтар 1998 сылтан туруорсар оскуолаларын боппуруоһун ыйыппакка хаалар кыахтара суоҕа. Онуоха Иван Алексеев өрөспүүбүлүкэҕэ сылга 20-чэ саҥа оскуола тутулларын санатта. Оттон Өлүөхүмэ улууһугар оскуола, бастатан туран, баһаарга умайбыт оскуолалаах Чапаево нэһилиэгэр тутуллуохтаах.
Бырабыыталыстыба отчуота үөрүүлээх түгэнинэн түмүктэннэ. Иван Алексеев Саҥыйахтаах баһылыга Роман Васильевич Габышевка бырабыыталыстыба бэрэссэдээтэлин бастакы солбуйааччы Дмитрий Садовников илии баттааһыннаах СӨ Бырабыыталыстыбатын Махтал суругун туттарда.
Нам сэлиэнньэтин Уопсастыбанньыктар дьиэлэригэр бойобуой дьайыылар бэтэрээннэрин икки ардыларыгар корнхолга бастакы турнир ыытылынна. «Тохсунньу томороон…
Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар муниципалитеттар икки ардыларынааҕы оптуобус сырыыта быстах…
«Буратино» киинэ уопсай хомуура 1,5 млрд солкуобайы куоһарда. Бу Киинэ пуондатын Биир кэлим автоматизированнай информационнай…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Тайах оҕото"…
Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…
Ньурба улууһугар полиция үлэһиттэрэ Саҥа дьыл түүнүгэр тыаҕа муммут уонна суолга хаарга хаайтарбыт массыыналаах ыалга…