Саҥыйахтаахтар суол-иис боппуруоһун туруорсаллар

Share

Өлүөхүмэ улууһугар ситэриилээх былаас ааспыт сыллааҕы үлэтин отчуота буола турар. Үөрэх уонна билим миниистирэ Нюргуна Соколова салайааччылаах бөлөх иккиһинэн Саҥыйахтаах сэлиэнньэтигэр отчуоттаата.

Урут отчуоттааччылар аҥардас тылынан кэпсиир эбит буоллахтарына, аны слайдалаах, олох араас эйгэтигэр өрөспүүбүлүкэ сыыппараларын көрдөрөн, ону ааһан улуус холобурдарын, көрдөрүүтүн киллэрэн, тэҥнии тутан сырдаталлар. Онон бэрт сэргэхтик ааһар. Ол курдук, үөрэх уонна билим миниистирэ Нюргуна Соколова Бырабыыталыстыба ааспыт сыллааҕы үлэтин-хамнаһын сырдатта, “Сахатранснефтегаз” тэрилтэ генеральнай дириэктэрэ, Ил Түмэн дьокутаата Алексей Колодезников туох үлэ барбытын билиһиннэрдэ.

Отчуокка нэһилиэнньэ кыттыыта көхтөөх, туруорсар боппуруостара даҕаны суолталаах, кэскиллээх. Улуус кииниттэн тэйиччи турар буолан “Умнас” суолу оҥоруу, киин ситимҥэ холбонуу, оскуола тутуутун, уу тырааныспарын, уу суолун тырааныспардара тиксэр тохтобулу (дебаркадер), үлэлээбэт биэнсийэлээхтэргэ айан төлөбүрүн толуйуу, о.д.а. боппуруостары туруорсаллар, ыйыталлар. “Ыарыһах Өлүөхүмэ куоракка тиийэр, онтон салгыы Дьокуускайга барар. Онон барыларын да буолбатар бэтэрээннэри Дьокуускайга ханнык эмэ поликлиникаҕа сыһыараллара буоллар, кэлэ-бара көрдөрүнэ сылдьыахтарын сөп этэ”, – диэн олохтоохтор этэллэр. Тустаах боппуруоһу салайааччылар үөрэтэн көрүөх буоллулар, Арктика улуустарыгар оннук холобур баарын ыйдылар. Үп-харчы оҥоһуллубутун, “Умнас” суол салгыы оҥоһуллуоҕун эттилэр. Бытыктаах оскуола дьиэтин тутуутунан миниистир ааспыт сыллааҕы курдук Ил Түмэн дьокутааттарын кытта тэҥҥэ үлэлэһиэхпит диэн эттэ. Хас биирдии киирбит ыйытыыга отчуоттуур бөлөх сиһилии хоруйдаата, сороҕор быһааран, өйдөтөн да биэрдэ.

Отчуоттуур бөлөх бүгүн үлэтин түөрт хайысханан салгыыр.

Recent Posts

  • Сонуннар
  • Сүрүн

Бүгүн сорох сиринэн -21-26°С кыраадыс тымныы буолуоҕа

Бүгүн, ахсынньы 21 күнүгэр, өрөспүүбүлүкэ баһыйар үгүс өттүгэр кыралаан хаардыаҕа. Халымаҕа, Аллайыахаҕа хаар сөбүгэр түһүөҕэ.…

1 час ago
  • Гороскоп
  • Интэриэһинэй
  • Сонуннар

Күннээҕи гороскоп: ахсынньы 21 күнэ

Бүгүн Күн салайар күнэ — өрөбүл. Онон айар-тутар эрчим, үөрүү-көтүү уонна сырдык баһылыаҕа. Онуоха эбии,…

2 часа ago
  • Сонуннар
  • Уопсастыба

Кыһын — «Хюгге» кэмэ

Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…

14 часов ago
  • Сонуннар
  • Уопсастыба
  • Ыйыт - хоруйдуубут

Ыйыт-хоруйдуубут: Дьонтон иэһи ирдээһин бэрээдэгэ хайдах уларыйыаҕай?

Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…

14 часов ago
  • Сонуннар
  • Спорт
  • Уопсастыба

Саха сиригэр нэһилиэнньэ 60%-тан тахсата успуордунан дьарыктанар

Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…

15 часов ago
  • Сонуннар
  • Сүрүн

2026 сылга биэнсийэ ордук үрдүүр эрэгийиэннэрэ ааттаннылар

РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…

15 часов ago