Саппаас чаас атыылаһаары харчытын уордарбыт

Ааспыт сууккаҕа түөкүттэр биир киһини албыннаан харчытын суйдаабыттарын туһунан ИДьМ пресс-сулууспата иһитиннэрэр.

Нерюнгри куорат биир тэрилтэтин 44 саастаах суоппара интэриниэт ситиминэн массыына саппаас чаастарын атыылаһабын диэн түөкүттэргэ түбэспит. Ол түмүгэр кини 129 тыһ. солкуобайы сүтэрбит.

Полиция интэриниэтинэн табаары атыылаһаргытыгар сэрэхтээх буолуҥ диэн сэрэтэр. Билбэт сыылкаларгытыгар кииримэҥ уонна билбэт дьоҥҥутугар харчыгытын ыытымаҥ.