Сардаана ГУРЬЕВА: «Киһи бырааба үрдүктүк тутуллар»

Бу күннэргэ Владимир Путин 2024 сылга РФ Бэрэсидьиэнин быыбарыгар кыттарын туһунан биллэрбитин үгүс бэлиитик, уопсастыбаннай диэйэтэл сэргээтэ.

СӨ киһи быраабын боломуочунайа Сардана Гурьева бэйэтин санаатын маннык үллэһиннэ:

— Арассыыйа Бэрэсидьиэнэ Владимир Путин судаарыстыбаннас бигэ туруга киһи быраабын тутууһуттан тутулуктанарын    өрүү бэлиэтиир. Бүгүҥҥү күҥҥэ өрөспүүбүлүкэбитигэр киһи бырааба уонна көҥүлэ үрдүктүк тутуллар.  Ол курдук, киһи тупсаҕай усулуобуйаҕа олоруохтаах быраабыгар олоҕуран, хаарбах туруктаах дьиэлэртэн көһөрүү үлэтэ тэтимнээхтик барар. Үлэһит бырааба кытаанахтык тутуһуллар. Ити курдук, киһи быраабын уонна көҥүлүн тутуһуу холобурдарын киһи аҕала туруон сөп.

Биһиги, Арассыыйаҕа олорор норуоттар, сүрүн күүспүт – сомоҕолоһуубут. Владимир Путин судаарыстыба баһылыгын дуоһунаһыгар быыбарга кандидатуратын туруоруммут быһаарыныытын толору өйүүбүн.