Сардаана Гурьева «Саха сирэ — Дьоруойдар сирдэрэ» бырагыраама кыттыылааҕын кытта үлэтин кэпсээтэ

Пригороднай сэлиэнньэтин баһылыга, байыаннай дьайыы кыттыылааҕа Владимир Жексембаев быраабы көмүскүүр үлэни үөрэттэ, холуонньаҕа уонна тас дойдуттан кэлбит гражданнары быстах кэмҥэ олордор кииҥҥэ бэрэбиэркэнэн сырытта.

«Байыаннай дьайыы бэтэрээнэ быраабы араҥаччылыыр уорганнар систиэмэлэригэр улахан уопуттаах, аспаапкаҕа сылдьар мойуор. Стажировка кэмигэр кини эппиэтинэстээҕин уонна көдьүүстээх идиэйэлэрдээҕин көрдөрдө. Бу олус суолталаах», — диэн СӨ Киһи быраабыгар боломуочуйалаах Сардаана Гурьева эттэ.

Кини бэлиэтээбитинэн, Владимир  патриоттуу иитии уонна нэһилиэнньэ социальнай көмүскэлин систиэмэтигэр этиилэрдээх.