Сардаана Тарабукина  Саха сиригэр фармация наукатын бастакы дуоктарынан буолла

Доруобуйа харыстабылын министиэристибэтин отделын салайааччы¸ХИФУ Мэдиссиинэҕэ институтун доцена Сардаана Тарабукина И.М.Сеченов аатынан Москватааҕы Бастакы судаарыстыбаннай мэдиссиинискэй университет иһинэн диссертация сэбиэтин мунньаҕар дуоктар диссертациятын көмүскээтэ.

Онон, Сардаана Макаровна Саха сиригэр  идэлээх фармацевт-провизордартан  фармация наукатын бастакы дуоктарынан буолла. Үтүө сонун Фармация күнэ буолаары турдаҕына кэллэ. Кини үлэтин тиэмэтэ – Уһук Хотугу сир уонна Арктика усулуобуйатыгар нэһилиэнньэни эминэн-томунан хааччыйыы кыһалҕаларын быһаарарга  социальнай хайысхалаах технологиялары туһаныы.