Сардаана Трофимова Франкфуртскайдааҕы марафоҥҥа алтыс миэстэ буолла

Бүгүн, алтынньы 30 күнүгэр, сүүрүк  Сардана Трофимова Германияҕа Франкфуртскайдааҕы марафоҥҥа кытынна уонна алтыс миэстэ буолла. Бу улахан ситиһии, эҕэрдэлээн биэриэҕиҥ.

Көрдөрүүтэ — 2 чаас, 28 мүнүүтэ уонна  50 сөкүүндэ.
Кини бу марафоҥҥа иккис кыттыыта буолар. Бастакытын 2015 сыллаахха сүүрбүтэ уонна 2 чаас, 24 мүнүүтэ уонна 38 сөкүүндэ сүүрэн тус рекордун олохтообута. Бу — Сардаана Трофимова  2019 сыллаахха аан дойду чөмпүйэнээтин кэнниттэн бастакы аан дойду таһымнаах күрэхтэһиигэ кыттыыта буолар. Санатар буоллахха, ити сыл кини Кыргыстаан хамаандатыгар киирбитэ.