Сардаана Гурьева киһи быраабын боломуочунайын дуоһунаһыгар хос талылынна

Бүгүн, сэтинньи 16 күнүгэр, СӨ Судаарыстыбаннай Мунньаҕын (Ил Түмэн) алтыс ыҥырыылаах түөрт уонус уочараттаах пленарнай мунньаҕа үлэтин саҕалаата.

Эрдэ эппиппит курдук, пленарнай мунньахха барыта 31 боппуруос көрүлүннэ. Иккис боппуруоһунан Киһи быраабын боломуочунайынан Сардаана Гурьеваны хос талыы туһунан буолла. Сардана Гурьева кандидатуратын Ил Дархан Айсен Николаев киллэрбитэ.
Хандьыдаат киһи быраабын көмүскээһиҥҥэ киллэрэр кылаатын, дьон-сэргэ туһугар үлэтин, аҕыйах ахсааннаах норуоттар кыһалҕаларыгар болҕомто уурарын, о.д.а. үтүөтэ  этилиннэ. Кистэлэҥ куоластааһын түмүгүнэн, Киһи быраабын боломуочунайын дуоһунаһыгар Сардаана Гурьева хос талылынна.