Хаартыска: Ил Дархан, бырабыыталыстыба дьаһалтатын пресс-сулууспата.
Сарсын, муус устар 1 күнүттэн, сарсыарда 9 чаастан саҕалаан 1-кы кылааска оҕону үөрэттэрэ киллэриигэ сайабылыанньаны биэрии саҕаланар. Сайабылыанньа “Госуслуги” портал нөҥүө бэриллэр (учуот суруга бигэргэммит буолуохтаах).
Быйылгы биир уратыта диэн, кулун тутар 20 күнүттэн ыла эрдэттэн сайабылыанньаны бэлэмнээн кэбиһиэххэ сөп этэ. Бу муус устар 1 күнүгэр сарсыарда эрдэ бэлэм сайабылыанньаны түргэнник ыытан кэбиһэргэ табыгастаах.
Сайабылыанньаны тутуу 2 түһүмэҕинэн ыытыллар. 1-кы түһүмэх – 2023 сыл муус устар 1 күнүттэн бэс ыйын 30 күнүгэр диэри. Бу оскуола баар оройуонугар бырапыыскалаах, бастакы уочарат, эбэтэр, уочарата суох киирэр бырааптаах оҕолорго сыһыаннаах.
2-с түһүмэх – от ыйын 6 күнүттэн баар миэстэ туолуор диэри (балаҕан ыйын 5 күнүттэн хойут буолуо суохтаах). Оскуола сыһыарыллыбыт оройуонуттан атын сиргэ олорор оҕолорго сыһыаннаах. Ол эбэтэр, бу түһүмэх кэмигэр атын оскуолаларга сайабылыанньа биэриэххэ сөп. Бырапыыскалаах оройуонтан атын сиргэ баар оскуолаҕа сайабылыанньаны 2-с түһүмэх иннинэ ыыттахха, аккаас кэлэр.
1-кы кылааска 6,5 сааһыттан 8 сааһыгар диэри саастаах оҕолору ылаллар. Төрөппүт сайабылыанньатынан, бу кэрчиктэн арыый балыс, эбэтэр, аҕа саастаах оҕону ылыахтарын сөп.
Ирдэнэр докумуоннар испииһэктэрэ уруккунан хаалла. Төрөппүт пааспарын куоппуйата, оҕо төрөөбүтүн туһунан сибидиэтэлистибэтэ, бу оскуолаҕа үөрэнэр убайдарын-эдьиийдэрин сибидиэтэлистибэлэрэ, олорор сиргэ бырапыыска ыспыраапката.
Быйыл саҥа үөрэх дьылыгар 10 980 оҕо 1-кы кылааска киирэрэ былааннанар. Сорох улуустарга уот барар, онон төрөппүттэр эрдэттэн бэлэмнэнэллэрэ ордук.
Ил Дархан, бырабыыталыстыба дьаһалтатын пресс-сулууспата.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…