«Сарсын 10 чааска доппуруоска кэлээр…»

Суотабай төлөпүөн нөҥүө дьону албыннаан харчы суйдуур түөкүттэр аны саҥа хайысханы булбуттар.

Дистанционнай түөкүннээһин билигин хас да көрүҥнэммит. Аны билигин түөкүттэр дьон төлөпүөнүгэр араас биэдэмистибэлэр ааттарыттан СМС ыытар буолбуттар. Саха сирин олохтоохторугар сымыйа СМС иһитиннэриилэр кэлэр буолбуттар. Ол курдук, «Сарсын уон чааска доппуруоска ИДьМ управлениетыгар, Дзержинскай уулусса  14 аадырыска дознавательга кэлэҕин» диэн ис хоһоонноох суругу ыыталыыр буолбуттар.  Маннык СМС суругу туттаххытына, итэҕэйимэҥ, утары хаһан да эрийимэҥ, сурукка эппиэттээмэҥ диэн полиция үлэһиттэрэ сэрэтэллэр.