Сарсын арҕаа улуустарга халлаан сылыйар

Бу ааһан эрэр нэдиэлэ өрөбүллэригэр Саха сирин үгүс улуустарыгар хаардыаҕа.

Бүгүн, алтынньы 22 күнүгэр (субуотаҕа), киин, илин эҥээр улуустарга уонна соҕуруулуу-илин, хотугулуу-илин диэки хаардаата. Кэккэ улуустарга  күнүс + кыраадыска тиийэ сырытта. Арай, Халыма-Индигиир улуустарыгар түүнүн 19-24 кыраадыс тиийэ тымныйбыт.

Сарсын, алтынньы 23 күнүгэр (өрөбүлгэ) Саха сирин арҕаа уонна хотугулуу-арҕаа диэки кыратык хаардыаҕа. Анаабыр, Булуҥ улуустарыгар сөкүүндэҕэ 15-17 м түргэннээх тыал түһэрэ күүтүллэр.  Арҕаа улуустарга күнүс лаппа сылыйар, +2, +7 кыраадыска тиийиэ диэн күнү-дьылы кэтээн көрөөччүлэр иһитиннэрэллэр. Ол эрээри, кыһын аата кыһын, түүнүн 19-24 кыраадыска тиийэ тымныйыа.

Хаартыска — СИА.