Хаартыска - СӨ Тыа хаһаайыстыбатын уонна ас-үөл бэлиитикэтин министиэристибэтин пресс-сулууспата
Быйылгы өрөспүүбүлүкэтээҕи «Сылгыһыт күнэ» ахсыс төгүлүн Дьааҥы улууһун Верхоянскай куоратыгар Олоҥхо ыһыаҕа ыытыллыбыт Хоптолоох сиригэр ыытыллыаҕа.
Былырыын бу маннык тэрээһин Амма улууһугар буолбута. Тыа хаһаайыстыбатын миниистирэ Артем Александров иһитиннэрбитинэн, Дьааҥыга ыытыллар “Сылгыһыт күнүгэр” 8 улуустан 13 хамаанда кыттыаҕа. Ол курдук, бу күннэргэ Амма, Мэҥэ Хаҥалас, Таатта, Ньурба, Чурапчы, Эбээн-Бытантай, Хаҥалас уонна Дьааҥы улуустарын сылгыһыттара суолталаах тэрээһиҥҥэ кыттарга бэлэмнэр. Бэҕэһээ Дьааҥыга Мэҥэ Хаҥалас улууһун сылгыһыттара тиийдилэр. Дэлэгээссийэ састаабыгар 15 киһи баар. 2 сылгыны анал массыынаҕа тиэйэн аҕаллылар. Үс күннээх уһун айаны сылгылар этэҥҥэ тулуйдулар.
Сарсын муус устар 5 күнүгэр СӨ Тыа хаһаайыстыбатын уонна ас-үөл бэлиитикэтин министиэристибэтин көһө сылдьар кэллиэгийэтэ ыытыллыаҕа. Муус устар 6 күнүгэр “Сылгыһыт күрэҕэ” буолуоҕа. Манна үгэс буолбут 1600 м ат сүүрдүүтэ, онтон үөрдээн иитиигэ анаммыт соноҕос атыы-быыстапката буолуоҕа. Бу тэрээһиҥҥэ анаан Дьааҥы улууһун «Баачаан» уонна «Арыылаах» сылгыны үөрдээн иитии хаһаайыстыбалара иккититтэн биэһигэр диэри 21 соноҕоһу быыстапкаҕа туруоруохтара.
— Арктическай улууска аан бастаан ыытыллар суолталаах тэрээһин сылгыны үөрдээн иитии боппуруостарыгар сыһыаннаан уопут атастаһыытын быһыытынан барыаҕа. Манна идэтийбит сылгыһыттары, учуонайдары кытта атах тэпсэн олорон сэһэргэһиэхтэрэ, эдэр сылгыһыттар бэрт үгүһү билиэхтэрэ, — диэн миниистир бэлиэтээтэ.
Бу туһунан СӨ Тыа хаһаайыстыбатын уонна ас-үөл бэлиитикэтин министиэристибэтин пресс-сулууспата иһитиннэрдэ.
“Улуустарга эрийэн, үүттэрин харчыта тиийбитин туоһуластыбыт. “Түспүтэ”, – дэһэллэр. Уонна үүт соҕотуопкатыгар сыһыаннаах санааларын, аахсыбыт…
Дьокуускайга "Үс хатыҥ" этнокомплекска аны балтараа ыйынан Туймаада ыһыаҕа буолуоҕа. Маны көрсө Дьокуускай куорат дьаһалтатын…
Былырыын саас ыам ыйыгар Дьокуускай куорат Пионерскай уулуссатыгар баар дьиэҕэ баһаар буолбутун түмүгэр түөрт киһи…
Бүгүн, ыам ыйын 17 күнүгэр, өрөспүүбүлүкэ үгүс улуустарыгар кыралаан ардыаҕа, хоту улуустарга, Өлүөнэ аллараа тардыытынан…
ХОЙ Туохха барытыгар санааны уурдахха ситиһии кэлэрин өйдөөҥҥүн, туттумахтаан хаалыаххын наада. Үлэҕинэн үрдүүргэр табыгастаах кэмнэр. Тус…
Бүгүн, ыам ыйын 16 күнүгэр, саха литературатын устуоруйатыгар киирэр дьоһуннаах тэрээһин П.Ойуунускай аатынан Литература түмэлигэр…