Сарсын Дьокуускайга сайыҥҥылыы күн туруо

Ыам ыйын 8 күнүгэр өрөспүүбүлүкэ киин куоратыгар +18 кыраадыска диэри итийэрэ күүтүллэр.

Чэппиэргэ Дьокуускайга сайыҥҥылыы сылаас күн туруо — күнүс +16… +18 кыраадыска диэри сылыйыаҕа, диэн Саха сиринээҕи УГМС иһитиннэрэр.

Өрөспүүбүлүкэ соҕуруу, арҕаа өттүгэр уонна киин улуустарга сорох сиринэн кыратык ардыаҕа. Күнүс арҕаа уонна соҕуруу улуустарга күүһүрэр кэмигэр сөкүүндэҕэ 9–14 м күүстээх тыал түһэрэ күүтүллэр.

Киин улуустарга ыам ыйын 8 күнүгэр +12… +17 кыраадыска диэри сылыйыаҕа, арҕаа уонна соҕуруу – +6… +11 диэри, хоту +3… +8 кыраадыс буолуоҕа.

Сылаас күн-дьыл турарынан, саас 3-4 күнүнэн эрдэлээн иһэр.