Сарсын Дьокуускайга сэтинньи саамай сылаас күнэ буолара күүтүллэр

Сарсын, сэтинньи 9 күнүгэр, Дьокуускайга биллэ сылыйыаҕа. УГМС иһитиннэрэринэн, сэтинньи саамай сылаас күнэ сарсын буолара күүтүллэр.

Бу нэдиэлэҕэ киин куоракка 30 кыраадыска тиийэ тымныйбыт эбит буоллаҕына, субуота үүнэр түүнүгэр салгын температурата -15…-17 кыраадыс буолара күүтүллэр. Оттон сарсын күнүс -10…-12 кыраадыс буолуоҕа, итиэннэ кыралаан хаардыаҕа.

Өрөспүүбүлүкэ үгүс улуустарыгар хаар түһэрэ күүтүллэр.

Киин улуустарга түүн -10…-15, илин эҥээргэ -21…-26, хотугулуу-илиҥҥи улуустарга -30…-35, арҕаа улуустарга -5…-10.

Киин улуустарга күнүс -11…-16, соҕуруу улуустарга 0…-5, сорох сирдэринэн -5….-10, соҕуруулуу-илин улуустарга -25…-30.

Эдьигээн уонна Кэбээйи улуустарыгар күүстээх тыал түһэрэ күүтүллэр.