Сарсын Дьокуускайга спортивнай саала аһыллыаҕа

Дьокуускайга «Азия оҕолоро» спортивнай оонньуулары көрсө Сайсары уокуругар спортивнай саала тутуута түмүктэнэн эрэр. Тутуу миниистирэ Виктор Романов иһитиннэрбитинэн, сарсын, Арассыыйа күнүгэр — бэс ыйын 12 күнүгэр, элбэх функциялаах спортивнай саала үөрүүлээх аһыллыыта буолуоҕа.

Саҥа саала 400 миэстэлээх, «Демография» национальнай бырайыак иитинэн «Спорт — норма жизни» бырагырааманан тутулунна. Саҥа саала уратыта диэн гимнастика күрэхтэһиилэрин ыстандаартыгар эппиэттиир гына уратылааҕа бэлиэтэнэр. Итиэннэ манна эрчиллэр уонна бокса саалалара бааллар.

«Азия оҕолорун» кэмигэр 28 успуорт эбийиэгэ үлэлиэҕэ. Манна барытыгар өрөмүөн, тутуу үлэлэрэ түмүктэнэн эрэллэр.