Сарсын, өйүүн күн-дьыл туруга хайдаҕый?

Көмүс күһүммүт салаллан кэлбитэ биллэр. Халлаан улам-улам сөрүүдүйэр. 

Саха сиринээҕи гидрометеокиин иһитиннэрбитинэн, бүгүн, балаҕан ыйын 7 күнүгэр,  хотугулуу-илин, хотугулуу-арҕаа, соҕуруу уонна Өлүөнэ өрүс алын тардыытыгар быстахтык ардыыра күүтүллэр. Ону сэргэ хоту эргин инчэҕэй хаар түһүө. Анаабыр, Булуҥ улуустарыгар сөкүүндэҕэ 15-20 м түргэннээхтик тыалырыа. Түүнүн +1+6°С,  халлаан халлыбытыгар, -5°С тымныйбыт, хаһыҥнаабыт. Күнүһүн  +6+11°С, хоту+1+6°С, соҕуруулуу-илин, Халымаҕа +9+14°С. кыраадыс буолар.

Сарсын уонна өйүүн

Балаҕан ыйын 8-9 күннэригэр, Аллараа Халыма оройуоннарыгар уонна хоту кыратык ардыаҕа, соҕуруу уонна хотугулуу-илин инчэҕэй хаар түһэрэ күүтүллэр.  Чуолаан балаҕан ыйын 8  күнүгэр соҕуруу уонна Уус Маайа оройуоннарыгар ардыыр, күүстээх тыал түһэр. Балаҕан ыйын 9 күнүгэр Томпо, Өймөкөөн оройуоннарыгар быстахтык ардыыра күүтүллэр. Түүнүн, ортотунан,  0,+5°С, халлаан халыннаҕына, -2-7°С тымныйар.  Күнүһүн   +6+11°С, соҕуруулуу-арҕаа, Халыма-Индигиир оройуоннарыгар +9+14°С,  хоту, хотугулуу-арҕаа +2+7°С. кыраадыс буолара күүтүллэр.

Норуот синоптига Тускул балаҕан ыйын 8 күнүттэн 13 күнүгэр диэри күн-дьыл туругун анаарбытын бу сигэнэн киирэн билсиҥ.