Сарсын этиҥнээх ардах, күүстээх тыал түһүөҕэ

Саха сиригэр сарсын, атырдьах ыйын 4 күнүгэр, хотугулуу-арҕаа, хоту, хотугулуу-илин кыралаан ардыыр, сорох сиринэн соҕуруу, соҕуруулуу-арҕаа быстах ардах түһэрэ күүтүллэр.

Хотугулуу-арҕаа, соҕуруулуу-арҕаа сорох сиринэн этиҥнээх ардах уонна сөкүүндэҕэ 15-17 м/с түргэннээх күүстээх тыал түһэрэ сабаҕаланар.

Салгын температурата түүн +3+8°С, соҕуруулуу-арҕаа +7+12°С, илин -1+4°С кыраадыс, күнүс +21+26°С,  хоту, хотугулуу-илин +14+19°С кыраадыс сылаас. Хоту муора кытылынан Арктикаҕа кыралаан ардыыр, сөкүүндэҕэ 8-13 м/с түргэннээх күүстээх тыал түһүөҕэ, салгын температурата түүн +3+8°С, күнүс +11+16°С кыраадыс сылаас.

Дьокуускайга сөҥүүтэ суох, күнүс +22+24°С кыраадыс сылаас.