Сарсын иккис таһымнаах магнитнай буурҕалар түһүөхтэрэ

Сарсын, муус устар 16 күнүгэр, иккис таһымнаах магнитнай буурҕалар түһэллэрэ сылыктаналлар. Бу туһунан  Күн астрономиятын ИКИ уонна ИСЭФ лабораторията иһитиннэрэр.

«Күн дьайыыта муус устар 15 түүнүгэр уонна муус устар 16 күннэригэр Сиргэ кэлиэҕэ. Күн дьайыылара Москва бириэмэтинэн 15 чыыһылаҕа 22.00 чаас түһэллэрэ күүтүллэр. Геомагнитнай дьайыылар уопсай уһуна күнү быһа кэриэтэ дьайыаҕа. Ордук дьайыыта күн иккис аҥаарыгар тиийиэхтээх. Муҥутуур магнитнай буурҕалар иккис таһымнаах буолаллара күүтүллэр», — диэн Күн астрономиятын лабораториятыгар эттилэр

Учуонайдар бэлитииллэринэн, бу күннэргэ магнитнай буурҕалар дьүкээбиллэри үөскэтиэхтэрэ.

Күүстээх магнитнай буурҕа кэмигэр сүрэх-тымыр ыарыылаах дьон дабылыанньалара түһүөн-тахсыан, доруобуйалара мөлтүөн сөп. Онон бу күннэргэ бэйэни кэтэнэн көрөн, ноҕуруускаламмакка сылдьыахха наада. Маны тэҥэ, күүстээх магнитнай буурҕалар араадьыйа, сибээс, сир аргыстарын үлэлэригэр харгыстары таһаараллар.