Сарсын Ил Дархан Айсен Николаев Анал этиитин оҥоруоҕа

Сарсын Ил Дархан Айсен Николаев Анал этиитин оҥоруоҕа

21.12.2023, 13:00
Хаартыска: Андрей Сорокин, ЯСИА
Бөлөххө киир:

Сарсын, ахсынньы 22 күнүгэр, 12:00 чаастан Саха сирин Ил Дархана Айсен Николаев Ил Түмэҥҥэ буоларын курдук, Анал этиитин оҥоруоҕа.

Ил Дархан Анал этиитигэр ааһан эрэр сыл түмүгүн таһаарыаҕа уонна кэлэр сылга өрөспүүбүлүкэ сайдыытын сүрүн хайысхаларын ыйыаҕа. Итиэннэ Айсен Николаев эрэгийиэннээҕи бырабыыталыстыба уонна парламент, бэйэни салайыныы уорганнара, тэрилтэлэр уонна тэриллиилэр, уопсастыбаннас бары сомоҕолоһон үлэлииллэрин быһаарар тиэмэлэргэ санаатын этиэҕэ.

Тэрээһиҥҥэ Ил Түмэн норуодунай дьокутааттара, Бырабыыталыстыба чилиэннэрэ, муниципалитеттар баһылыктара, тэрилтэлэр салайааччылара кыттыахтара. Ону таһынан Саха сириттэн Федерация Сэбиэтин уонна СӨ Борокуратууратын бэрэстэбиитэллэрэ, Саха сириттэн Судаарыстыбаннай Дуума дьокутааттара, сенатордара, федеральнай ситэриилээх былаас салайааччылара, суруналыыстар уонна уопсастыбанньыктар кытталлара былааннанар.

Анал этиини быһа эпииринэн «Саха» НКИХ «Якутия 24» телеханаалынан көрдөрүөхтэрэ, ону таһынан «Тэтим» араадьыйанан таһаарыахтара.

+1
1
+1
0
+1
0
+1
0
+1
2
+1
0
+1
0
Бары сонуннар
Салгыы
21 апреля
  • 5°C
  • Ощущается: 2°Влажность: 56% Скорость ветра: 4 м/с

Сообщить об опечатке

Текст, который будет отправлен нашим редакторам: