Сарсын кэккэ улуустарга халлаан 58 кыраадыска диэри тымныйыа

Сарсын, тохсунньу 18 күнүгэр, кэккэ улуустарга халлаан 58 кыраадыска диэри тымныйарын туһунан Саха сиринээҕи гидрометеокиин иһитиннэрэр. 

Ол курдук, Горнай, Нам, Хаҥалас, Таатта, Уус Алдан, Амма, Чурапчы, Уус Маайа, Алдан улуустарыгар халлаан тымныйара күүтүллэр. Бу улуустарга халлаан 53-58 кыраадыс тымныйыа. Дьокуускайга түүнүн 50-52, күнүһүн 46-48 кыраадыс тымныы буолуоҕа. Өрөспүүбүлүкэ үгүс өттүгэр хаардаабат, туманнаах буолуоҕа. Күнү-дьылы кэтээн көрөөччүлэр этэллэринэн, Саха сиригэр тымныы бу нэдиэлэ бүтүүтэ намырыа.

Хаартыска — СИА.