Сарсын Саха сиригэр -48 кыраадыс буолара күүтүллэр

Сарсын, ахсынньы 10 күнүгэр, Саха сирин сорох улуустарыгар -48 кыраадыс буолара күүтүллэр диэн УГМС саайта иһитиннэрэр.

Күнү-дьылы кэтээн көрөөччүлэр күнүс хотугулуу-арҕаа, арҕаа улуустарга сөкүүндэҕэ 9-14, Арктикаҕа 15-18 миэтэрэ түргэннээх тыаллаах буолуо диэн сэрэтэллэр.

Түүн салгын температурата киин улуустарга -32… -37 кыраадыс, халлаан халыннаҕына -37… -42 кыраадыс, хотугулуу-илин, хотугулуу-арҕаа -43… -48 кыраадыс, арҕаа -27… -32 кыраадыс, соҕуруулуу-арҕаа, соҕуруу -18… -23 кыраадыс, күнүс киин улуустарга -28… -33 кыраадыс, арҕаа -23… -28 кыраадыс, соҕуруулуу-арҕаа, соҕуруу -15… -20 кыраадыс, хотугулуу-илин -38… -43 кыраадыс буолара күүтүллэр.

Дьокуускайга түүн уонна сарсыарда кыралаан хаардыаҕа, күнүс сөҥүүтэ суох, соҕуруулуу-арҕааттан сөкүүндэҕэ 2-5 миэтэрэ түргэннээх тыаллаах. Түүн салгын температурата  -32… -34 кыраадыс, күнүс -30… -32 кыраадыс.