Сарсын сорох сиринэн +17+22 кыраадыска диэри итийиэҕэ

Сарсын, балаҕан ыйын 25 күнүгэр, өрөспүүбүлүкэ хоту, хотугулуу-арҕаа, Өлүөнэ аллараа тардыытынан уонна хотугулуу-илин өттүгэр кыралаан инчэҕэй хаар түһэрэ күүтүллэр.

Арктика кытылынан сөкүүндэҕэ  19-24, Эдьигээн хоту өттүгэр  15-20 м түргэннээх тыал түһэрэ сабаҕаланар.

Салгын температурата түүн  -3,+2°С, арҕаа, соҕуруу  +5+10°С, хотугулуу-илин  -3-8°С, күнүс +9+14°С, соҕуруулуу-арҕаа, соҕуруу  +17+22°С, хотугулуу-арҕаа +4+9°С, хотугулуу-илин  -2,+3°С буолуоҕа.