Сарсын сорох сиринэн күүстээх тыал түһэрэ күүтүллэр

Сарсын, ахсынньы 14 күнүгэр, Өймөкөөн, Үөһээ Халыма, Орто Халыма оройуоннарыгар күүстээх тыал түһэрэ сабаҕаланар. Тыал сөкүүүндэҕэ 15-18 миэтирэ түргэннээх буолуоҕа, сорох сиринэн буурҕа түһүөҕэ. Бу туһунан Cаха сиринээҕи күнү-дьылы кэтээн көрөр сулууспа иһитиннэрэр. 

Саха сирин улахан аҥаарыгар быстах хаар түһүөҕэ. Киин оройуоннарга салгын температурата түүн -32… -37 °С, күнүс  -30… 35 °С буолуоҕа. Халымаҕа биллэ сылыйыаҕа: түүнүн -— -22… 27 °С, күнүһүн — -17… -22 °С.

Дьокуускайга быстах хаардаах буолуоҕа, сөкүүндэҕэ 2-7 м түргэннээх тыал түһүөҕэ. Салгын температурата  түүн -35… -37 °С, күнүс — -32… -34 °С.