Сарсын – Владимир Путин улахан пресс-кэмпириэнсийэтэ

Сарсын, ахсынньы 14 күнүгэр, дойду Бэрэсидьиэнэ Владимир Путин 18-с улахан пресс-кэмпириэнсийэтин уонна 20-с быһа эпиирин ыытыаҕа.

Бэлиэтээн эттэххэ, дойду бэрэсидьиэнэ 2020 с. икки тэрээһини бииргэ холбоон тахсар буолбута. Владимир Путин суруналыыстар уонна биирдиилээн дьон ыйытыыларыгар 18:00 ч. (мск бириэмэтинэн 12:00 ч.) быһа эпииринэн эппиэттиэ. Киин көрдөрөр-иһитиннэрэр сириэстибэлэр иһитиннэрэллэринэн, кини урукку курдук Кириэмилтэн буолбакка, Гостинай двортан быһа эпиирдиэ.

«Итоги года с Владимиром Путиным» бырагыраама дойду олохтоохторуттан ыйытыылары 2023 с. ахсынньы 1 күнүттэн саҕалаабыта. Дьон этиитин уонна ыйытыытын хомуйуунан уонна көрүүнэн Норуодунай фронт дьарыктанар. Бүгүҥҥү туругунан балтараа мөлүйүөнтэн тахса ыйытыы киирбит. Биллэн турар, дойду бэрэсидьиэнэ бачча элбэх ыйытыыга барытыгар эппиэттиир кыаҕа суоҕа өйдөнөр, ол гынан баран хас биирдии боппуруоһу анал хамаанда көрөн баран, эппиэтинэстээх уорганнарга ыытыахтара.

Ыйытыылары маннык ньыманан ыытыахха сөп

1. Сайт нөҥүө маннык сигэнэн: moskva-putinu.ru эбэтэр москва-путину.рф. киирэн ыытыаххытын сөп (ыйытыыны тиэкис да, эбэтэр видео да буолуон сөп)
2. Төлөпүөннээн: 8-800-200-40-40.
3. Маннык нүөмэргэ смс ыытан: 0-40-40.
4. Социальнай ситимнэринэн: Вконтакте эбэтэр Одноклассники.

Ыйытыылары ахсынньы 14 күнүгэр быһа эпиир бүтүөр диэри ыытыаххытын сөп.